Фото: WANA (West Asia News Agency) via REUTERS
Ауғанстанда билікті басып алған «Талибан» радикалды қозғалысы Әйелдер істері министрлігін таратып, оның орнына исламдық «шариғат полициясы» функцияларын орындайтын орган құрды. Бұл туралы жұма күні Ауғанстан халықаралық жергілікті телеарнасы хабарлады.
Ондағы дерекке сүйенсек, таңертең тәліптер бұрынғы атауы бар тақтайшаны министрлік ғимаратынан алып тастап, оның орнына «әмри маруф уә нәхи мункәр» («діннің әмірін үгіттеп, күнәдан тыйылу») деген жазу іліп қойған. Ол 1996-2001 жылдары, радикалдар Ауғанстанда билік құрған кезде болған органның атауы.
Бұған дейін жергілікті бұқаралық ақпарат құралдары «Талибан» соңғы күндері министрлікте істеген әйел қызметкерлерді жұмыс орнына жібермей жатқанын, департамент ғимаратының алдында қауіпсіздікті күшейткенін хабарлаған.
Әйелдер істері министрлігі Ауғанстанда 2001 жылдың желтоқсанында, Талибан Кабулдан қуылып, елдің көп бөлігін бақылауды жоғалтқаннан кейін құрылды.
