«Өздеріңіз білетіндей, пандемия денсаулық сақтаудың көптеген мәселелерін, соның ішінде сыбайлас жемқорлыққа жол ашты. Бұл денсаулық сақтау саласындағы сыбайлас жемқорлық тәуекелдерін сыртқы талдау циклын бастауға негіз болды», деді Асанұлы.
Ол өткен жылы әлеуметтік медициналық сақтандыру қоры мен денсаулық сақтау министрлігінің орталық аппараты талдаумен қамтылғанын еске салды. Биыл министрліктің 2 комитетінде, атап айтқанда, Медициналық және фармацевтикалық бақылау комитеті, Санитарлық-эпидемиологиялық бақылау комитетінде толассыз сыртқы тексерулер аяқталды.
Оның айтуынша, 138 сыбайлас жемқорлық тәуекелі анықталды, олар бойынша 246 ұсыным әзірленді.
«Бірінші, «Мақсаттық көрсеткіштердің жетілмегендігі». Нысаналы индикатор – «науқастардың медициналық көмек сапасына қанағаттануы» нәтижелерінің бұрмалануының жоғары тәуекелі белгіленді. Екінші, дәрі-дәрмектің бағасын жасанды түрде көтеру. Баға өтінім берушінің дәйексіз ақпаратына немесе оның коммерциялық ұсынысына қалыптастырылады. Дәрі-дәрмектердің бағасына олар болмаған кезде де маркетингтік шығындар кіруі мүмкін. Қолданыстағы көтерме-бөлшек сауда ережелері бағаны қосымша 30%-ға арттыруға мүмкіндік береді. Төртінші. Санитарлық-эпидемиологиялық қызметтің бақылау-қадағалау функцияларындағы қауіптер», деп түсіндірді превенция қызметінің басшысы.
Агенттіктің деректері бойынша, медициналық қызметтердің сапасына сыртқы сараптама нәтижелерінің заңсыздығы анықталды. Мәселен, 147 тексеру тәуелсіз сарапшылардың қатысуынсыз жүргізілді, ал сараптамалық қорытындыларды уәкілетті емес адамдар жасаған.
Мониторинг және камералдық бақылау цифрландырылмаған. Бұл бағытта қабылданып жатқан шаралар формалды. Сатып алынған планшеттер мен мобильді принтерлер (құны 600 млн теңге) әкімшілік практиканы автоматтандыру үшін пайдаланылмайды. Бақылау құжаттары қолмен жасалады, бұл сыбайлас жемқорлыққа жағдай жасайды.
«Жоғарыда аталған сыбайлас жемқорлық тәуекелдері бойынша ұсыныстар жасалып, Денсаулық сақтау министрлігіне жолданды», деп түйіндеді Асанұлы.
