Қазақстанның Катардағы Елшісі Арман Исағалиев өз сөзінде 30 жыл бұрын айтылған ҚР Тұңғыш Президенті – Елбасы Нұрсұлтан Назарбаевтың Азиядағы өзара іс-қимыл және сенім шаралары жөніндегі кеңесті шақыру жөніндегі бастамасы кеңінен халықаралық мойындауға ие болғанын және жиынтығында әлемдік ЖІӨ-нің 50%-дан астамын құрайтын және жаһандық экономикалық өсудің үштен екісін қамтамасыз ететін 27 мүше мемлекетті біріктіретін Азия қауіпсіздік және ынтымақтастық жүйесінің маңызды тұғырнамасына іске асырылғанын атап өтті.
Дипломат Қазақстанның 2020-2022 жылдардағы АӨСШК-ке төрағалық етуінің басымдықтары туралы егжей-тегжейлі айтып берді.
«АӨСШК-ті толыққанды ұйымға айналдыру табысты жұмыс істеп тұрған диалог алаңына халықаралық субъективтілік пен жаһандық рөл береді, осылайша Азия мемлекеттерінің жалпы әлемдік процестерге ықпал ету тетіктерін нығайтады», деді Арман Исағалиев.
Іс-шараға қатысушылар 2021 жылғы 11-12 қазанда Нұр-Сұлтан қаласында өтетін АӨСШК-ге қатысушы шет елдер министрлерінің алдағы 6-шы кездесуінің негізгі аспектілері туралы хабардар болды.
Іс-шара қорытындысы бойынша өңірлік күн тәртібіндегі мәселелер тұғырында пікіралмасты.
Сонымен қатар, аталған іс-шара аясында ел Тәуелсіздігінің 30 жылдығына арналған «Әлемдік қоғамдастық мойындаған Қазақстан» атты фотокөрме ұйымдастырылды.
