«Ақбұлақ» мөлтекауданында болған қайғылы оқиғаларға байланысты «Банк ЦентрКредит» АҚ қаза тапқандардың туыстары мен жақындарына қайғырып көңіл айтады. Қайғылы жағдай бізді дүр сілкіндірді, біз барлық жағдайды тек құқықтық өріс аясында шешу керек екеніне сенімдіміз», делінген хабарламада.
Банктің баспасөз қызметі оқиғаға қатысты пікір білдіруді жөн көрген.
«2011 жылғы шілдеде «Нано Плюс» ЖШС қарыз алушысына негізгі борыш пен пайыздар бойынша төлемді 6 айға кейінге қалдыра отырып, жалпы сомасы 102 000 000 теңгеге екі қарыз берілген.
«Шарттар бойынша міндеттемелерді орындауды қамтамасыз ету ретінде кепіл шарттары жасалды, онда кепілмен қамтамасыз ету ретінде тұрғын емес үй-жай, жер учаскесі, сондай-ақ Алматы қаласы, Алатау шағын ауданы мекенжайы бойынша орналасқан тұрғын үй қабылданды: «Ақбұлақ», Сыздықов к-сі, 29 үй», делінген хабарламада.
Банк мәліметінше, міндеттемелерді орындамау туралы 2012 жылдың 11 қазанында және 2013 жылдың 17 қаңтарында хабарламалар жіберген. Қарыз алушы мен кепілгерлердің шарттар бойынша көзделген міндеттемелерді орындамауына байланысты 2013 жылдың 17 сәуірінде берешекті сот тәртібімен өндіріп алу туралы шешім қабылданды. Осы кезден бастап банк осы қарыз бойынша пайыздарды есептеуді тоқтатқан.
Банк Алматы қаласы Алмалы ауданының №2 аудандық сотына қарыз алушы мен кепілгерлерден берешекті өндіріп алу туралы талап арыз берді.
«26.12.2018 жылы Алматы қаласы Алатау аудандық сотының ұйғарымымен Алматы қаласы Алатау аудандық сотының 22.01.2018 жылғы тұрғын үй түріндегі кепіл мүлкін өндіріп алуға жүгіну туралы сырттай шешімінің күші жойылды.
Алматы қалалық сотының апелляциялық сот алқасының 27.11.2019 ж. қаулысымен, бастапқы сату құны 29 417 000 теңге мөлшерінде сату кезінде тұрғын үй түріндегі кепілдік мүліктен өндіріп алуды қолдану туралы банктің талап-арыз талаптарын қанағаттандыру туралы шешім шығарылды», делінген хабарламада.
ҚР Жоғарғы Сотының азаматтық істер жөніндегі сот алқасының 27.07.2020 жылғы қаулысымен Алматы қалалық сотының азаматтық істер жөніндегі сот алқасының 27.11.2019 жылғы қаулысын ҚР ҚК азаматтық істер жөніндегі сот алқасының сот отырысында қайта қарау туралы А.П.Демирчян, И.И.Дужнова шағымын қараудан бас тартылды. Осылайша, тұрғын үй Н.С.Тұрғановтың меншігінде қалды (бұрын алғашқы сот саудасында сатып алынған).
«Кейін үйден шығару жеке тұлғаның (сатып алушының) пайдасына сот актісі негізінде жүзеге асырылды, осылайша көшіру ісі қайғылы жағдайға айналған азаматтар арасындағы құқықтық қатынастарға ұласты. Банк тұрғын үйді сатуды да, кейіннен шығаруды да жүргізген жоқ.
Банктің кепілінде тұрған тұрғын емес үй-жайға қатысты 07.03.2017 жылғы әлеуетті сатып алушылардың болмауына байланысты ол бойынша алғашқы электрондық сот саудасы болған жоқ. 18.04.2017 жылғы қайталама электрондық сот саудасы өткізілді. Сатып алушылардың болмауына байланысты және жүргізілген сот сауда-саттығының нәтижелері бойынша жоғарыда көрсетілген мүлік аукцион шеңберінде төмендетілетін сауда-саттықтан кейін 96 008 120 теңге сомасына банктің меншігіне өтті. 24.04.2017 жылы банк пен ЖСО (жеке сот орындаушысы) арасында тұрғын емес үй-жайларды сатып алу-сату шарты жасалды», деді баспасөз қызметі өкілдері.
