Иран мен Еуроодақ ядролық келіссөздерді жаңғыртуға ниетті

Олар бұл пікірді Нью-Йоркте өтіп жатқан Біріккен Ұлттар Ұйымы Бас ассамблеясының алаңында айтты. Еуроодақ дипломатиясының басшысы ядролық бағдарламаға қатысты Австриядағы келіссөздерді қайта бастаудың аса маңызды екенін атап көрсеткен. Иранның Сыртқы істер министрі де жүздесуге дайын екенін жеткізген.

Естеріңізге сала кетейік, Венада сәуір айында Иран мен құрамына Ресей, Ұлыбритания, Германия, Қытай және Франция кіретін халықаралық «бестіктің» арасында келіссөздер басталған болатын.