Медицина • 24 Қыркүйек, 2021

Кешеннің көмегі зор

49 рет көрсетілді

Алыстағы ауылда тұратын ағайынның сапалы медициналық қызметке әлі күнге дейін зәру екені белгілі. Дегенмен бұл бағыттағы мәселені шешу бойынша жүргізіліп жатқан жұ­мыстарды жоқ деп те айта алмаймыз. Мысалы, Қара­ғанды облысында алты жылжымалы медициналық кешен (ЖМК) жұмыс істей бастады. Міне, соның нәтижесінде ауыл тұрғындары қалаға сабылмай-ақ, медици­налық тексеруден өтіп, салалық мамандардан кеңес алу мүмкіндігіне ие болды.

Автобус ішіндегі мұндай кешендерде бірнеше маман­дандырылған кабинет бар. Сон­дай-ақ мұнда талдау алу аймағы және функционалдық диагнос­тика кабинеті, рентген және флюорографияға арналған бөл­ме де қарастырылған.

Биыл медициналық сақ­тан­дыру қоры жылжымалы медициналық кешен қыз­мет­теріне 503,5 млн теңге бө­ліпті. Бұл қаражат Тегін ме­ди­циналық көмектің кепілді көлемі (ТМККК) және Міндетті әлеуметтік медициналық сақ­тандыру (МӘМС) аясында консультациялар мен зерт­­теулер ақысын төлеуге бағыт­талған. Медициналық сақ­тандыру қорының Қарағанды бөлім­шесінің директоры Фазыл Копобаев жылжымалы ме­ди­циналық кешеннің қызмет­тері ТМККК және МӘМС пакеті аясында да көрсеті­летінін айтады.

– Басқаша айтқанда, шалғай елді мекендердің тұрғындары медициналық сақтандыру жү­йе­сіндегі мәртебесіне қара­мастан, ЖМК-де консультациялар мен тексерулер алу мүмкіндігіне ие болды, – дейді ол.

Жылжымалы медициналық кешендер Жезқазған көпсалалы ауруханасының, Абай, Оса­каров және Қарқаралы аудан­дарының орталық аудандық ауруханаларының, Теміртау және Қарағанды қаласының №4 және №5 емханаларының балансында тұр.

Айта кететін бір жайт, әрбір медициналық ұйымның өз қыз­мет көрсету аумағы бар. Мысалы, №5 емхананың дәрі­гер­лері ЖМК-мен Бұқар жырау ауданының елді мекендеріне барып, қызмет көрсетеді. Жаз айларында олар акушер-гинеколог, офтальмолог, педиатр, стоматолог, терапевт, хи­рургтың кеңестерін берді. Соның нәтижесінде 13,5 мың адам қант диабетін, артериялық гипер­тензияны, глаукоманы және басқа да ауруларды ерте анықтауға арналған тексерулерден өткен.

 

Қарағанды облысы

 

Соңғы жаңалықтар

Әуезов және түркі әлемі

Руханият • Кеше

Идеология

Руханият • Кеше

Мейірім мен қатыгездік

Руханият • Кеше

Ескі мен жаңа арасы

Руханият • Кеше

Би падишасы

Руханият • Кеше

Сапа қайтсе жақсарады?

Қазақстан • Кеше

Қайырымдылықтың үлгісі

Қазақстан • Кеше

Сақ дәуірінің тасы

Таным • Кеше

Ұқсас жаңалықтар