ISU Challenger — Nebelhorn Trophy турниріне Қазақстаннан Диас Жиренбаев пен Багдана Рахишова қатысты.
Ерлер арасында қысқа бағдарлама қорытындысы бойынша Диас Жиренбаев 28-ші орыннан көрінді. Ал әйелдер арасында сынға түскен отандасымыз Багдана Рахишова 33-ші орынға жайғасты.
Айта кетерлігі, ерлер арасында АҚШ өкілі Винсент Чжоу жеңімпаз атанды. Франция спортшысы Адам Сяо Хим Фа екінші болса, Австралияның мәнерлеп сырғанаушысы Брендан Керри үздік үштікті қорытындылады.
Әйелдер арасындағы бәсекеде АҚШ өкілі Алиса Лю топ жарды. Швейцариялық Алексия Паганини күміспен күптелсе, беларусиялық Виктория Сафонова қола жүлдені қанағат тұтты.
