Павлодар облысының тұрғыны Қарағандының маңында еңбек құлдығына ұсталғаны туралы хабарлап, бейнеөтініш жазды. Ер адам жұмыс берушісі атқарған жұмысы үшін оған ақы төлемей, тіпті, оны мезгіл-мезгіл ұрып-соғып отыратынына шағымданады.
«Тамыз айында мен Маратқа жұмысқа тұрдым. Железин ауданына барып, онда бір нысанды өңдедік. Ол еңбекақымды төлемеді. Жалақымды сұраған кезде, ол мені ұрып-соқты. Содан кейін Қарағандыдағы екінші нысанға бардық. Онда жұмыс істеп, жалақымды тағы сұрадым. Ол мені тағы ұрды. 21-ші қыркүйекте түскі уақытта нысаннан қашып кеттім. Марат менің ұялы телефонымды, құжаттарым мен жеке заттарымды алып қойды. О бастан бригада құрамында 6 адам болды. Қазір екеуі қалды, оның біреуі - Қырғызстан азаматы. Менің жалақымды төлеуге көмектесуді және оны ұрып-соғу фактісі бойынша жауапқа тартуды сұраймын», дейді ер адам.
Қарағанды облысының полиция департаменті бұл істің мән-жайын анықтап жатқанын түсіндірді.
«Әлеуметтік желілерге мониторинг жүргізу барысында ер адамға атқарылған жұмыс үшін ақша төлемеу және жұмыс беруші тарапынан ұрып-соғу фактісі бойынша бейнеөтініш жолданды. Аталған факті Қарағанды қаласының полиция басқармасында тіркелді. Полиция қызметкерлері видео авторының – Павлодар облысының 41 жастағы тұрғынының жеке басын анықтады. Қазіргі уақытта оның орналасқан жері анықталуда», деп хабарлады ведомствоның баспасөз қызметі.
