Жақында Йоханнесбургте Оңтүстік Африка Республикасының экс-президенті Нельсон Манделаның мұрасы үлестірілді. Бұл туралы Azattyg.org хабарлады.
Нельсон Манделаның 4 млн. АҚШ долларынан асатын байлығы отбасы мүшелеріне және Африка ұлттық конгресі мен мектептерге бөлінетін болды. Сот орындарының хабарлауынша, Манделаның мұрасын бөлуге оның отбасы мүшелерінің ешқайсысы қарсы болмаған.
Нельсон Мандела 2013 жылғы 5 желтоқсанда 95 жасқа жетіп қайтыс болды. Оның артында Йоханнесбургтегі және өзі туған провинциядағы үйлері, сондай-ақ бірнеше кітабының сатылымынан түскен қомақты қаржы қалды. Қайтыс боларына дейін Манделаның балалары мен немерелері оның байлығына кім мұрагер болады деген мәселе бойынша жиі дауласып келген екен.
Айдар Өрісбаев.
Дереккөз: Azattyg.org.
Фото: Reuters.com.
