Қоғам • 29 Қыркүйек, 2021

Дінаралық диалог мәселелері талқыланды

154 рет көрсетілді

Еліміздің жетекші орталықтары мен жоғары оқу орындарының ғылыми қызметкерлері дінаралық диалог мәселелерін талқылады, деп жазады Egemen.kz ҚР Ақпарат және даму министрлігіне сілтеме жасап.

Конфессияаралық және өркениетаралық диалогты дамыту жөніндегі Н.Назарбаев орталығы ҚР АҚДМ Дін істері жөніндегі комитеттің қолдауымен онлайн-форматта «Бейбітшілік пен келісім жолындағы дінаралық диалог» атты дөңгелек үстел ұйымдастырды.
 
Дөңгелек үстелге ҚР Президенті жанындағы ҚСЗИ, Әл-Фараби атындағы ҚазҰУ, Х.А. Ясауи атындағы ХҚТУ, Абай атындағы ҚазҰПУ, «Нұр-Мүбарак» Ислам мәдениеті университеті, Е. Бөкетов атындағы ҚарМУ жетекші ғылыми қызметкерлері мен өкілдері қатысты.
 
Іс-шара дін саласындағы мемлекеттік саясаттың негізгі бағыттарын түсіндіруге, сондай-ақ Елбасының негізгі бастамаларын, бірегей халықаралық алаң - Әлемдік және дәстүрлі дін көшбасшыларының съезін ілгерілетуге бағытталған.
 
Н.Назарбаев орталығының басқарма төрағасы Болат Сәрсенбаев осы жылдың 5-6 қазанында әлемнің 20 елінен: Әзірбайжан, Армения, САК, БАӘ, Үндістан, Пәкістан, Ресей, Түркия, Иран, Ватикан, Ұлыбритания, Израиль, Мысыр және тағы да басқа халықаралық ұйымдары, діни бірлестіктері өкілдерінің қатысуымен Съезд Хатшылығының XIX отырысы өткізілетіні туралы айтты.
 
ҚР АҚДМ Дін істері комитеті төрағасының орынбасары Бауыржан Бәкіров дөңгелек үстелге қатысушыларды дінтанушылар мен теологтардың білікті мамандарын даярлау және қайта даярлау жөніндегі комитеттің жұмысымен таныстырды.
 
Естеріңізге сала кетейік, Н.Назарбаев орталығы еліміздің жетекші жоғары оқу орындарымен ынтымақтастық туралы меморандумдар аясында жобалар мен іс-шараларды, соның ішінде тақырыптық талдамалық материалдарды жариялап, бірлескен зерттеулер, ғылыми тағылымдамаларды тұрақты түрде жүзеге асырып келеді.
Соңғы жаңалықтар

2186 адам коронавирустан жазылып шықты

Коронавирус • Бүгін, 09:30

Елорда «жасыл» аймаққа өтті

Коронавирус • Бүгін, 09:13

1/16 финалға шыға алмады

Теннис • Бүгін, 08:45

«Реал» – Суперкубок иегері

Футбол • Бүгін, 08:40

Андеркардта күш сынасады

Спорт • Бүгін, 08:37

«Алтын тай» Аягөздің еншісінде

Аймақтар • Бүгін, 08:32

Ұқсас жаңалықтар