Шымкент қаласы полиция департаменті ЖПҚБ патрульдік полиция полкінің «Жаңа шахар» стационарлық полиция бекетіне жергілікті тұрғын көмек сұрап келген. Тұрғынның айтуынша, ол көпқабатты тұрғын үйдің бесінші қабатынан бейтаныс жасөспірімнің өзіне қол жұмсамақ болып, шатырда отырғанын көрген. Аталған жайт 28 қыркүйек күні сағат 13:20 шамасында болған.
Бұл жағдайға бей-жай қарамаған тәртіп сақшылары дер кезінде оқиға орнына жетіп, шатырда отырған жасөспірімді сөзге тартып, қауіпсіздік шараларын жүзеге асырды. Осы оқиға полицейдің бейнежетонына жазылған. Сондай-ақ полицейлер жасөспірімнің өмірін сақтап қалумен қатар, дәрігерлер мен психологты шақыртып, қажетті шараларды қабылдады.
Жедел іс-әрекеттің нәтижесінде жасөспірімнің өмірін арашалап қалған полиция қызметкерлеріне жасөспірімнің ата-анасы және жергілікті тұрғындар алғысын жеткізді.
