Сенім грамотасын тапсырды

Белград қаласында «Сербия» Республикалық сарайында Қазақстан Республикасының Мажарстандағы Төтенше және өкілетті елшісі және Сербия Республикасында елшілік міндетті қоса атқарушы Нұрбах Рүстемов Сербия Республикасының Президенті Томислав Николичке Сенім грамотасын тапсырды, деп хабарлады ҚР СІМ-нің баспасөз қызметі. Ресми салтанаттан кейін болған сұхбатта Сербия Прези­денті қазақстандық дипломатты тағайындауымен құттықтай отырып, кәсіби дипломатиялық салада табыстар тіледі. Бұл ретте, ол саяси үнқатысудың дос­тық сипаттылығын ерекше атап, Қазақстан мен Сер­бия арасындағы екіжақты қарым-қатынастардың жай-күйіне жоғары баға берді. Сербия басшысы Қазақстан Республикасының Президенті Н.Назарбаевқа ізгі тілектерін жолдап, Елбасын Белградқа ресми сапармен келуге ша­қырды. Н.Рүстемов, өз кезе­гін­­­­де, Қазақстанның Сер­бия Респуб­ликасымен конс­трук­­тивті және өзара тиім­ді ынтымақтастықты жал­ғас­ты­­руға, сауда-экономика­лық, инвес­тициялық, мә­­­де­­­ни-гума­нитарлық өзара іс-қимылды жандандыруға дайын екенін жеткізді. Сұхбат барысында, халық­аралық проблематиканың негіз­гі аспектілері бойынша екі ел ұстанымдарының ұқсастығы айтылды. Сербия 2010 жыл­ғы Қазақстанның ЕҚЫҰ-ға төрағалығын, сондай-ақ, еліміз­дің 2017-2018 жылдарға БҰҰ Қауіпсіздік Кеңесінің тұрақты емес мүшелігіне кандидатурасын қолдауы берік достықтың нақты дәлелі болып табылады.