Футбол • 01 Қазан, 2021

«Қайрат» Швейцарияда «Базельден» жеңіліп қалды

194 рет
көрсетілді
1 мин
оқу үшін

Алматылық «Қайрат» УЕФА Конференция лигасы топтық кезеңінің 2-турында жеңіліп қалды, деп хабарлайды Egemen.kz.

«Қайрат» Швейцарияда «Базельден» жеңіліп қалды

«Қайрат» бұл турда швейцариялық «Базельге» қонаққа барған. Матч алаң иелерінің пайдасына 4:2 есебімен аяқталды.

«Базель» алматылықтар қақпасына қатарынан төрт гол салды. Бірінші таймда Артур (15-минутта) мен Майкл Ланг (21 мен 40-минутта) көзге түсті. Үзілістен кейін Дэн Ндойе (49-минутта) командасының төртінші голын салды. 

Кейін алматылықтар бұған екі голмен жауап қата алды. 66-минутта Канте гол соқса, екі минуттан соң Рикарду Алвеш пенальтиден гол салды. 

Енді «Қайрат» Конференция лигасындағы келесі матчта 21 қазанда әзербайжандық «Карабахпен» кездеседі. 

Еске салайық, «Қайрат» турнирдің 1-турында өз алаңында кипрлік «Омониямен» 1:1 есебімен тең түскен еді.