Шекаралық «Транзит» іс-шарасы жалғасуда

«Транзит» біріккен шекаралық іс-шарасына қазақстандық шекарашылар белсенділікпен қатысуда. Аталған іс-шара өткен жылдың 30 қазанында ҚР ҰҚК Шекара қызметінің өкімі негізінде оңтүстік бағытта басталып, оған ҰҚК, ІІМ, Экономикалық және сыбайлас жемқорлыққа қарсы күрес агенттігінің, Кедендік бақылау комитетінің аумақтық бөлімшелері де қатысуда. Іс-шараның бас­ты мақсаты – өз уақытында мемлекеттік шекара, оның режімін, бақылау бекеттеріндегі режімін бұзушылықтарының жолын кесу. Іс-шара басталғалы бері шекара сақшылары 720-дан астам шекара заңдылығын бұзушыларды анық­тады. Олардың 155-і Қазақстан Респуб­ликасының азаматтары болса, 40 шақтысы – Ресей Федерациясының, 90-нан астамы Өзбекстан, 370-тен астамы Қырғызстанның, 23-і Түркия, 10-ы Тәжікстан, 5-еуі Әзербайжан, 3-еуі Қытай, 2 адамнан Австралия, Гер­мания, Грузия, Моңғолия, Украина, Бела­русь азаматтары, бір-бірден АҚШ, Ұлыбритания, Израиль, Молдова, Поль­ша, Ауғанстан және Армениядан келгендер бар. Сондай-ақ, іс-шара кезінде 2 килограмм 300 грамм героин, 170 грамм гашиш, заңсыз өткізілмек болған 35 тон­надай халық тұтынатын тауарлар, 16 түйіншек киім-кешек, 6 дана автомобиль, 3 тоннадан астам дизель жанармайы, 10 тоннадан астам құс еті, 38 бас мүйізді ірі қара, 8 бас ұсақ мал, 36 бас жылқы және 12 түйе ұсталды. Сонымен қатар, дәрі-дәрмектер, балалар тағамы, ірімшік пен май өнімдерінің де заңсыз өтуіне жол берілмеді. Жасырын жолмен өткізілмек болған 240 дана рұқ­сатсыз дискілер, декларацияланбаған 17 000 АҚШ долларының, 1000 еуроның, қырғыз сомдары мен теңгенің жолы кесілді. «Транзит» біріккен шекаралық іс-шарасы әлі де жалғасуда, деп хабарлады ҚР ҰҚК ШҚ-ның баспасөз қызметі.