Теннис • 05 Қазан, 2021

Зарина Дияс Индиан-Уэллс турнирінің іріктеу сайысын сәтті бастады

29 рет көрсетілді

Қазақстандық Зарина Дияс Индиан-Уэллс (АҚШ) WTA 1000 турнирінің іріктеу сайысын сәтті бастады, деп хабарлайды Egemen.kz.

Дүниежүзілік рейтингте 108-орында тұрған З.Дияс бастапқы кездесуін әлемнің 170-ракеткасы, жапониялық Куруми Нарамен өткізді.

Қазақстандық теннисші 1 сағат 17 минутқа созылған матчта 6:4, 6:3 есебімен жеңіске жетті. Бәсеке барысында Зарина 2 эйс жасап, 11 брейк-пойнттың алтауын пайдаланды. Қарсыласы 8 брейк-пойнттың тең жартысын өз есебіне жазды. З.Дияс іріктеу сайыстарының финалында рейтингте 138-сатыдағы Беларусь өкілі Ольга Говорцовамен шеберлік байқасады.

Оны жеңсе, негізгі турнирге жолдама алады. Ертең Индиан-Уэллсте негізгі жарыс та басталады. Қазақстанның бірінші, әлемнің 16-шы, осы доданың 13-ракеткасы Елена Рыбакина доданы екінші айналымнан бастайды. Тағы бір қазақстандық, әлемнің 43-ракеткасы Юлия Путинцева рейтингте 74-орындағы германиялық Андреа Петковичпен ойнайды. Оны ұтса, екінші айналымда Е.Рыбакина мен Ю.Путинцеваның жолдары түйіседі.

Ірі турнир 17 қазанда мәреге жетеді. Өткен жылы мұнда канадалық Бьянка Андрееску топ жарған болатын. Ол финалда германиялық Анжелика Керберді 6:4, 3:6, 6:4 есебімен тізе бүктірген еді.

 

Соңғы жаңалықтар

ПИК пен МИБ-тің «шайқасы»

Қазақстан • Кеше

Көлікқұмарларға арналды

Экономика • Кеше

Қымбат ем-дом қолжетімді

Медицина • Кеше

Өлке тәжі – Өлеңті

Аймақтар • Кеше

Ақшоқыда арқар атқан...

Аймақтар • Кеше

Ұқсас жаңалықтар