Заң жобаларының бірі байланыс жүйелерінің жұмысын жақсарту үшін әзірленді. Келісімге қатысушылар Қарулы Күштердің басқару жүйесінде қажетті байланыс қызметтерін ала алады және ақпарат түрлерімен алмаса алады. Бұдан басқа, келісімді ратификациялау ғылыми-зерттеу жұмыстарымен бірлесіп айналысуға мүмкіндік береді.
Қаралған екінші заң жобасына сәйкес ТМД-ға қатысушы мемлекеттердің қарулы күштері мина алқаптарын техникалық барлауға қатыса алады, жарылыс қаупі бар заттардың бар-жоғына объектілерді зерделей алады, сондай-ақ бұрын ұрыс қимылдары жүргізілген аудандарға барлау жүргізе алады.
Отырыс қорытындысы бойынша депутаттар аталған заң жобаларын Палатаның қарауына жіберу туралы шешім қабылдады.
