Аймақтар • 05 Қазан, 2021

Алматы облысында жемқорлық жасаған 70 мемқызметші сотталды

75 рет көрсетілді

Биыл Алматы облысында жемқорлық жасаған 70 шенеунік сотталды. Бұл жөнінде Алматы облысы бойынша Сыбайлас жемқорлыққа қарсы қызметінің басшысы Ернар Мақажанов Facebook-тегі жеке парақшасында өңір тұрғындарына берген есебінде мәлім етті, деп хабарлайды Egemen.kz.

Ведомство басшысы 2021 жылдың 9 айындағы превенция және жедел-тергеу бағыты бойынша жұмыс нәтижелерін жеткізді.

«Жыл басынан бері 87 қылмыстық құқық бұзушылық тіркелді, оның 72,4% астамы немесе 63-і қылмыстық сыбайлас жемқорлық болып табылады. 155 адам қылмыстық жауапкершілікке тартылды, оның ішінде 20 адам әртүрлі деңгейдегі бірінші басшылар (облыстық – 6, қалалық -4, аудандық – 9, ауылдық - 1). 70 адам сотталды, оның ішінде 65 адам 119 млн теңгеден астам сомаға айыппұлға, 2 адам бас бостандығын шектеуге, 3 адамды бас бостандығынан айыруға, мүлкі тәркіленіп және мемлекеттік қызметте лауазым атқару құқығынан өмір бойына айыра отырып сотталды»,  деп жазды Е.Мақажанов.

Департамент басшысының ақпаратына сәйкес, бақылаушы органдардың лауазымды тұлғалары тарапынан кәсіпкерлік қызметке заңсыз араласудың 11 фактісі анықталды (26 қылмыс), 35 лауазымды тұлға қылмыстық жауапкершілікке тартылды, 22 кәсіпкерлік субъектісінің құқықтары қорғалды.

«Іс жүргізумен аяқталған қылмыстық істер бойынша келтірілген залал сомасы 3,8 млрд теңгені (3 850 843 791 теңге) құрады, оның 97,2% немесе 3,7 млрд теңгесі (3 742 332 191 теңге) өтелді», деп толықтырды Алматы облысы бойынша Сыбайлас жемқорлыққа қарсы қызметінің басшысы.

Сонымен қатар Ернар Мақажанов облыс тұрғындарын сыбайлас жемқорлық фактілері туралы оның жеке аккаунттарына, сондай-ақ сыбайлас жемқорлыққа қарсы қызметтің 1424 сенім телефонына хабарлауға шақырды.

 

Соңғы жаңалықтар

ПИК пен МИБ-тің «шайқасы»

Қазақстан • Кеше

Көлікқұмарларға арналды

Экономика • Кеше

Қымбат ем-дом қолжетімді

Медицина • Кеше

Өлке тәжі – Өлеңті

Аймақтар • Кеше

Ақшоқыда арқар атқан...

Аймақтар • Кеше

Ұқсас жаңалықтар