ДАҒДАРЫСҚА ДАЯРЛЫҚ ДІТТЕГЕНДЕЙ МЕ?

Премьер-Министр Кәрім Мәсімов Үкімет жанындағы Экономикалық консультанттар кеңесінің кезекті отырысын өткізді, деп хабарлады Премьер-Министрдің баспасөз қызметі. Отырыста Қоғамдық пробле­маларды талдау орталығы әзір­леген “Мемлекеттік дағдарысқа қарсы шараларды талдау және бағалау – экономикалық саясат үшін әсерлері” деген тақы­рыптағы баяндама талқыланды. Аталмыш баяндамада жаһандық дағдарыстың Қазақстан эко­но­микасына ықпалының негізгі факторлары мен деңгейлері көрініс тауып, ел экономикасын қолдауда мемлекет қабылдаған дағдарысқа қарсы шаралардың тиімділігіне баға берілді. Қоғамдық проблемаларды талдау орталығының директоры Меруерт Махмутова атап көр­сеткендей, әлемдік экономика өсуінің тұрақтылығы мен ұзақ­тығы белгісіздіктермен сипат­талады және дағдарыстың қайта­ла­ну қатері әлі де сақталып отыр. Осыған байланысты сарап­шылар қысқа және орта мерзімді экономикалық саясатқа түзетулер жасау жөнінен ұсыныстар енгізді. Баяндаманы талқылауға эко­номика ғылымдарының докторы Арыстан Есентүгелов, “Атаме­кен” одағы төрағасының бірінші орынбасары Екатерина Ники­тинс­кая, “Тұран” университеті­нің ректоры, экономика ғылым­дарының докторы Рахман Алша­нов, “Тройка Диалог Казахстан” директорлар кеңесінің төрағасы Асқар Елемесов, Natіonal Busі­ness журналының бас редакторы Арман Идрисов, Еңбек және халықты әлеуметтік қорғау министрі Гүлшара Әбдіқалықова, Қаржы министрі Болат Жәмі­шев, Экономикалық даму және сауда министрлігінің жауапты хатшысы Дина Шаженова, Құ­рылыс және тұрғын үй-коммуналдық шаруашылық істері агенттігінің төрағасы Серік Нокин және басқалар қатысты.