ПРЕЗИДЕНТ КУБОГЫ

“Астана-Арена” жасыл ала­ңын­дағы ақтық финалға 12 мыңға жуық жанкүйер жинал­ды. Олар­дың алдында Сербия аяқдоп ше­берлері Ресейдің “Зенит” (Санкт-Петер­бург) командасын 7:0 есебі­мен ой­сырата жеңді. Енді бір ресейлік клуб “ЦСКА” (Мәскеу) қола жүл­­дені еншіледі. Олар үшінші орын үшін тартысы мол болған матчта еліміздің “Цесна” (Астана) коман­дасынан матч соңын­дағы пеналь­тиде 8:7 есебі­мен ұтты. Ойын­ның негізгі уақы­ты 1:1 есебімен тең аяқталған болатын. Қалған жүл­делерді Түр­кияның “Гала­та­сарай”, Өзбек­станның “Бу­нNд­кор” (Таш­кент), Әзір­бай­жанның “Бакы” және Қытай­дың “ШҰАР-94” коман­дасы иеленді. Ақтық ойыннан кейін жүлде­герлерді марапаттау рәсімі өтті. Оны Қазақстан Футбол федера­циясының бас хатшысы С.Хамит­жанов пен “Нұр Отан” ХДП Орталық аппараты жетекшісінің бірінші орынбасары Қ. Ақсақалов бірлесе отырып жүргізді. Мұнда олар Сербия командасының капи­таны Марко Павловскиге Қазақ­стан Республикасы Прези­денті­нің кубогын табыс етті. Ал ресейлік “Зенит” коман­дасы күміс, “ЦСКА” қола жүлдені қанағат тұтты. Турнир қорытындысында үздік қақпашы деп Данил Ковалев (“ЦСКА”), үздік қорғаушы – Огнен Попа­дич (“Сербия”), үздік жартылай қорғаушы– Ренат Хай­руллин (“Цес­на”), үздік шабуыл­шы– Игорь Елин (“Зенит”), ал көрермендер ықыла­сына деп Қытайдың “ШҰАР-94” ко­­ман­да­сының қақпашысы  Ержет Ерзатұлы танылды. Мерген шабуыл­­шы атағына 8 доп авторы атанған сер­бия­лық Никола Нинко­вич ие болды. Айта кететін жәйт, осы тур­нирге 1994 жылдан кейін өмірге келген дарынды балалар қатысқан еді. Бұл халықаралық жарыс келе­шекте де жалғаса бермек, дейді оны ұйымдастырушылар. Жандос МЕДИМАНОВ.