Футбол • 12 Қазан, 2021

Футболдан ӘЧ: Қазақстан құрамасы Финляндиямен кездеседі

303 рет
көрсетілді
1 мин
оқу үшін

Бүгін, 12 қазанда футболдан 2022 жылғы әлем чемпионатына іріктеу сатысында Қазақстан құрамасы кезекті ойынын елордада Финляндияға қарсы өткізеді, деп хабарлайды Egemen.kz.

Футболдан ӘЧ: Қазақстан құрамасы Финляндиямен кездеседі

Ойын елорда уақытымен 20:00-де басталып, «Qazsport» телеарнасынан тікелей эфирде көрсетіледі.

Айта кетсек, бұған дейін екі құрама бір мәрте шеберлік байқасты. Биыл әлем чемпионаты іріктеу сатысындағы алғашқы ойында қазақстандық футболшылар аталған қарсыласына 0:1 есебімен есе жіберді. Финляндия бұған дейін әлем чемпионаты финалдық сатысында бақ сынап көрген емес.

Ал 2020 жылғы Еуропа чемпионатында В тобында Бельгия, Дания және Ресеймен шеберлік байқасып, үшінші орын алды.

Қазақстандық құрама іріктеу сатысында D тобында сынға түседі. Қарсыластары - Франция, Украина, Босния және Герцоговина, Финляндия. Еске салсақ, бұдан бұрын Қазақстан елордада Босния және Герцоговинаға 0:2 есебімен есе жіберді.