Қазақстан • 14 Қазан, 2021

Мәжіліс Палатаның іс-шараларына қатысу үшін журналистерді аккредиттеудің басталғаны туралы хабарлады

143 рет
көрсетілді
1 мин
оқу үшін

Мәжілістің баспасөз қызметі VII сайланған Мәжіліс депутаттарының заң шығару қызметін екінші парламенттік сессияда жария ету үшін журналистерді аккредиттеуді бастайды, деп хабарлайды Egemen.kz Мәжілістің баспасөз қызметіне сілтеме жасап.

Мәжіліс Палатаның іс-шараларына қатысу үшін журналистерді аккредиттеудің басталғаны туралы хабарлады

Елдегі эпидемиологиялық жағдайдың тұрақталуына байланысты Мәжілісте тіркелген журналистердің офлайн-форматта қатысу мүмкіндігі туралы шешім қабылданды.

Бұл ретте Мәжіліс ғимаратында жұмыс істеу кезінде маска режимін және әлеуметтік қашықтықты сақтау қажеттілігі сақталуда.

Мәжілісте тұрақты аккредитациядан өткен, Ashyq жүйесінде қауіпсіз (жасыл) мәртебесі бар немесе үш күннен аспайтын мерзімге covid-19-ға теріс ПТР-тесті бар журналистерге кіруге рұқсат етіледі.

Сонымен қатар, Мәжіліс депутаттарының қатысуымен өтетін барлық іс-шаралар бұрынғыдай палатаның ресми сайтында және YouTube арнасында онлайн түрде көрсетілетін болады.