Олардың бірі Медеу ауданы аумағындағы үйден табылды. Тінту кезінде синтетикалық есірткілерді дайындауға арналған компоненттер, сондай-ақ жалпы салмағы 3,5 кг сатуға дайын «мефедрон» заты тәркіленді.
«Сәуір айында есірткі бизнесі желісі бойынша ҰҚТ құруда кінәсі дәлелденген 8 айыпталушы ұсталған. Топ «мефедрон» синтетикалық есірткісін интернет-ресурстар арқылы дайындаумен және өткізумен айналысты. Сонымен қатар, есірткі заттарының таралуы туралы ақпаратты қамтитын 3901 граффити-жазуы боялған. Есірткі жарнамасы үшін 5 адам қылмыстық жауапкершілікке тартылды. Алматы полициясының бастамасымен жыл басынан бері 357 интернет-сайт бұғатталды», деді Алматы ПД басшысы Қанат Таймерденов.
Жыл басынан бері Алматы полициясы 545 есірткі қылмысын анықтады. 380 килограмнан астам есірткі тәркіленіп, заңсыз айналымға жіберілген жоқ.
