Үкімет • 20 Қазан, 2021

Республикалық бюджет жобасы ел дамуының мақсаттарына сай келеді - Н.Нығматулин

232 рет
көрсетілді
4 мин
оқу үшін

Мәжіліс Төрағасы Нұрлан Нығматулин алдағы үш жылға арналған бюджет жобасының әлеуметтік бағыттылығын атап өтті, деп хабарлайды Egemen.kz Мәжілістің баспасөз қызметіне сілтеме жасап.

Республикалық бюджет жобасы ел дамуының мақсаттарына сай келеді - Н.Нығматулин

Бүгін Мәжілістің жалпы отырысында депутаттар «2022-2024 жылдарға арналған республикалық бюджет туралы» Заң жобасын мақұлдады.

«Үш жылдық республикалық бюджет жобасында жұмыс істей отырып, Мәжіліс депутаттары ең алдымен Елбасының стратегиялық бағыты мен мемлекет басшысының жыл сайынғы Жолдауларында айтылған тапсырмаларын сапалы және уақтылы қамтамасыз етуді қаншалықты қамтамасыз ететінін ескерді», деді Мәжіліс Спикері.

Нұрлан Нығматулиннің айтуынша, алдағы үш жылға арналған республикалық бюджет жобасы мемлекеттің барлық әлеуметтік міндеттемелерін орындауға мүмкіндік беретін, елді дамыту мақсаттарына жауап беретін, пандемиядан кейінгі қалпына келтірудің күрделі жағдайларын ескеретін етіп жасалған. Бұл ретте депутаттардың да, Үкіметтің де міндеті - бөлінген қаражаттың мақсатты, ашық әрі тиімді игерілуі.

Мәжіліс Төрағасы атап өткендей, депутаттар бюджет жобасында олардың партияларының бағдарламалық құжаттарының ережелері ескерілгенін, сайлаушылар мүддесіндегі өзекті мәселелер бойынша депутаттық сауалдар да көрініс тапқанын зерттеді.

«Үкіметпен, мемлекеттік органдармен бірлесіп үш жылдық бюджет жобасы бойынша үлкен, көп еңбекті талап ететін және қауырт жұмыс атқарылды», деді Нұрлан Нығматулин.

Мәжіліс спикерінің айтуынша, әлеуметтік міндеттемелерді орындау, атап айтқанда, отбасыларды қолдауға, әлеуметтік төлемдерді индекстеуге және педагогтардың, дәрігерлердің, мәдениет және спорт қызметкерлерінің жалақысын арттыруға, жоғары оқу орындарының студенттеріне, магистранттар мен докторанттарға стипендияларды ұлғайтуға, мүгедек адамдарды оңалтудың техникалық құралдарымен және қызметтерімен қамтамасыз етуге бағытталған төлемдер мен жәрдемақыларды көздейді.

«Заң жобасымен жұмыс аясында Nur Otan партиясының сайлауалды бағдарламасында көзделген бастамаларды іске асыруға көп көңіл бөлінді. Жалпы айтқанда, әлеуметтік сала шығындары барлық шығындардың 50% құрайды», деп толықтырды Нұрлан Нығматулин.

Сонымен қатар, Мәжіліс Төрағасы бюджеттің кіріс бөлігін қалыптастыру мәселесіне назар аударды.

«Коронавирус пандемиясының салдарымен, экспорт бағасының құбылмалылығымен, инфляциялық дәлізбен байланысты қиындықтар болғаны түсінікті. Бірақ мұның бәрі қосымша табыс көздерін іздеу қажеттілігін растайды, бұл туралы біз бірінші жыл емес. Ел президенті Қасым-Жомарт Тоқаев Үкіметке бірнеше рет Ұлттық қордан бөлінетін трансферттерді қысқартуды және бюджет тапшылығы мәселесін оның қаражаты есебінен үнемі шешіп отырмауды тапсырды. Оның үстіне Ұлттық қор қаражатын ағымдағы шығыстарға пайдалануға жол беруге болмайды. Бюджеттің кіріс бөлігін толықтыру үшін резервтерді экономиканың барлық секторларында басымдықтарды айқындау және тиімсіз шығыстарды оңтайландыру арқылы іздеу қажет. Бұл жерде резервтер бар. Барлық күш - жігерді осы жерге бағыттау керек», деді Нұрлан Нығматулин.

Сонымен қатар, Мәжіліс Спикерінің пікірінше, өңірлер барлық уақытта тек республикалық бюджетке ғана емес, іс-шараларды өз бетінше іске асыруы қажет.

«Парламент бюджеттік көрсеткіштерге қол жеткізуге пәрменді бақылауды ұйымдастырып қана қоймай, бюджет процесін жетілдіру мақсатында қажетті заңнамалық қолдау көрсетеді. Тек осылай ғана ел басшылығы қойған мақсаттарға қол жеткіземіз - экономиканың тұрақты өсуі және халықтың өмір сүру деңгейін арттыру. Бұл жерде біз Үкіметтің депутаттық корпуспен тығыз, жемісті өзара іс-қимылда тиімді және нәтижелі жұмысына үміт артамыз», деп түйіндеді Нұрлан Нығматулин.

Соңғы жаңалықтар

Су үнемдейтін қондырғы

Технология • Кеше