ХАЛЫҚАРАЛЫҚ ҚҰҚЫҚТАҒЫ БЕЛДІ ОЙЫНШЫЛАР

Қазақстандағы  диплома­тия­лық миссиясының аяқталуына байланысты кеше ЕҚЫҰ-ның Іс басындағы төрағасы, еліміздің  Мемлекеттік хатшысы – Сыртқы істер министрі Қанат Саудабаев Әзірбайжан елшісі Лятиф Сейфеддиноғлы Гандиловты қабылдады. Кездесу кезінде Л.Гандилов екі ел энерегетика саласындағы қарым-қатынастарын табысты дамытып келе жатқанын атап көрсетті. Әзірбайжан мен Қазақ­стан өз өңірлеріндегі маңызды көшбасшылар болып саналады. Екі мемлекет те Еуропаның энер­гетикалық қауіпсіздігіне белсенді қатысу үстінде. Осындай ауқымды жұмыстарды атқару Қазақстан мен Әзірбайжан халықтарының үле­сі­не тиіп отыр. Әзірбайжан мен Қа­зақ­стан қазіргі таңда өз өңір­ле­рінде бейбітшілік орнатуға бел­сен­ді қатысып келеді. Екі ел халық­аралық құқықтың белді ойын­шылары болып табылады”, деді Л. Гандилов ойын сабақтай келіп. Елші, сонымен қатар, Қазақ­стан­да қызмет істеген жылдары еліміздің толайым табыстарға жеткенінің куәгері болғанын атап айтты. Осы ретте ол  Қазақстанда қызмет істеген жылдарын ғұмыр бойы ұмытпайтынын ерекше ата­ды. Оның айтуынша, өзі қай  жер­де жұмыс істесе де, екі ел ара­сындағы қарым-қатынасты бұдан да жақсарта түсуге ұмтылатын болады. Жақсыбай САМРАТ.