Аймақтар • 22 Қазан, 2021

Дарындының «баққаны» – динозавр

403 рет
көрсетілді
1 мин
оқу үшін

Республикалық «Дарынды жас ғалым-2021» ғылыми-зерттеу жобалары байқауында Теміртаудағы Тоқтар Әубәкіров атындағы гимназияның 3-сынып оқушысы Александр Алиев тамаша табысқа қол жеткізді. Аталған сайыста оның динозаврлар туралы жұмысы «Дарын» аталымы бойынша үздік деп танылды.

Дарындының «баққаны» – динозавр

Сөйтіп кішкентай Сашаның таланты мен білімге деген құш­тар­лығы қазылар алқасынан ла­йықты баға алып, ол дипломмен, сертификат және «Жас ғалым» төсбелгісімен марапатталды. Со­нымен бірге жас талаптың жобасы республикалық кітап-жинаққа енгізілді.

Анасы Елена Куропятни­ко­ваның айтуынша, Саша бес жылдан бері ежелгі заман жануарларына қызығушылық танытып келеді екен. Балақайдың білімін байытып, танымын кеңейту мақсатында ата-анасы оны Египеттегі динозавр­лар саябағына да апарыпты.

Саша сабақты жақсы оқитын көрінеді. Пәндердің ішінде математика мен ағылшын тілін ұна­тады екен.

Сынып жетекшісі Ольга Штер Саша қолға алған жобаның идеясы жаратылыстану сабағы үстінде туындағанын айтады.

– Біз «Қазақстан аумағында тіршілік еткен жануарлар» та­қырыбын талқыладық. Балалар: «Еліміздің аумағында динозаврлар болды ма?», деген сұрақ қойды. Сашаның бұл сұраққа жауап іздеген талпынысы бірден ұнады, сондықтан, мен оған бұл туралы көбірек мәлімет жинауға тапсырма бердім, – дейді ол.

Айта кететін бір жайт, Са­ша мен ұстазының зерттеу еңбегі Қазақстан аумағында дино­завр­лардың оннан астам түрінің тір­шілік еткенін анықтауға  септі­гін тигізген көрінеді.