Елорда • 25 Қазан, 2021

Тәуелсіздік тұлғалары

356 рет көрсетілді

Нұр-Сұлтан қаласындағы «Қазақстан» Орталық концерт залында талантты суретші Таңсық Мәжитованың халқымыздың ардақты перзенттерін айшықты бейнелеген «Тәуелсіздік тұлғалары» атты көркем портреттер көрмесі ашылды. Бұл іс-шара Тәуелсіздігіміздің отыз жылдығы аясында ұйымдастырылды.

Оған қылқалам шеберінің 60-тан астам авторлық туындысы қойылды. Мазмұнды шараның ашылуында Мә­дениет және спорт вице-министрі Нұрғиса Дәуешов көрменің маңызына тоқ­талып, суретшінің шығар­машылығына ізгі лебізін білдірді.

Көрмедегі ұлт руха­ния­тының бір-бір уығына айналған Әбіш Кекілбаев, Фариза Оңғарсынова, Ге­рольд Бельгер, Ақселеу Сей­­­­дімбек, Ескендір Ха­сан­­­ғалиев, Сатыбалды На­рым­бетов және т.б. ардақты азаматтардың образын су­рет­ші сыртқы бейнесі ар­қы­лы ғана емес, олардың бол­мысына жан-жақты үңі­ліп, көркем дүниеге айналдырған.

Сондай-ақ көрме иесінің әлемге әйгілі скрипкашы Айман Мұсақожаева, дарынды кардиохирург Юрий Пя, Ботай мәдениетін зерт­теуші ғалым Виктор Зай­берт, Олимпиада чемпио­ны Серік Сәпиев бейне­лері де келушілердің қызы­ғушылығын туғызды. Таң­сық Мәжитова осы пор­треттерді салуда кейіп­кер­лерін жақын тану үшін, олармен жүздесіп, ішкі-жан дүниесіне терең бойлаған.

Мәдени шара кезінде сөз алған жазушы, Мемлекеттік сыйлықтың лауреаты Әлі­бек Асқаров суретші кейіп­керлері ел мүддесін бәрінен биік қойған, шын мәнінде ұлтжандылықтың озық үл­гісін көрсеткен дей келіп: «Тә­уелсіз Қазақстанның тұ­ғыр­лы тұлғалары – жұр­тының жадында, елінің есінде мәңгі сақталады. Бұл көрме бұдан былай да тұ­рақты түрде өтіп, экспозиция бүгінгі танымал тұлғалардың портреттерімен толықтырылады» деді.

Іс-шараны Мәдениет және спорт ми­нис­трлігі­нің қол­дауымен «Гераль­ди­ка­лық зерттеулер орта­лығы» ұйым­дас­тыр­ды.

Соңғы жаңалықтар

Валюта нарығындағы ахуал

Экономика • Кеше

Қоңырқай болмыс

Руханият • Кеше

Желтоқсандық журналист

Қазақстан • Кеше

Піл

Өнер • Кеше

Ұқсас жаңалықтар