Ауа райы • 25 Қазан, 2021

Аймақтарға ауа райына байланысты ескерту жарияланды

519 рет көрсетілді

«Қазгидромет» РМК 26 қазан күні ауа райының бұзылуына байланысты бірнеше өңірге ескерту жариялады, деп хабарлайды Egemen.kz.

 

Маңғыстау облысында солтүстіктен жел соғады, облыстың батысында, солтүстік-шығысында, желдің күші 15-20 м/с артады.

Ақмола облысының солтүстігінде тұман, көктайғақ, жаяу бұрқасын күтіледі.

Оңтүстік-батыстан соғатын жел солтүстік-батысқа ауысып, түнде облыстың солтүстігінде екпіні 15-20 м/с, күндіз 23 м/с жетуі ықтимал.

Нұр-Сұлтан қаласында оңтүстік-батыстан соғатын жел солтүстік-батысқа ауысып, күші 15-20 м/с жетеді. Батыс Қазақстан облысының солтүстік-батысында тұман күтіледі.

Шығыс Қазақстан облысының оңтүстік-батысында және шығыс бөлігінде 15-20 м/с күшпен жел соғады.

Күндіз Түркістан облысының тау асуларында оңтүстік-батыстан жел соғады, күші - 15-20 м/с.

Күндіз Павлодар облысының солтүстігінде 15-20 м/с жылдамдықта жел тұрады. Түнде және таңертең Қостанай облысының солтүстік-батысында тұман, көктайғақ болжанады.

Солтүстік-батыстан жел соғып, күші облыстың солтүстігінде 15-20 м/с құрайды.

Солтүстік Қазақстан облысының басым бөлігінде жауын-шашын (жаңбыр, қар) күтіледі. Облыстың солтүстігінде, батысында көктайғақ, жаяу бұрқасын болады. Желдің екпіні 23-28 м/с артады.

Сондай-ақ 27-28 қазанда Жамбыл облысының таулы және тау бөктерлі аудандарында тұман, көктайғақ күтіледі.

26-27 қазанда оңтүстік-батыстан соғатын жел солтүстік-батысқа ауысып, күндіз 26 қазанда екпіні 25 м/с артады.

Соңғы жаңалықтар

Баға басын имей тұр

Экономика • Кеше

Мейірім шуағы

Өнер • Кеше

Тәуелсіз ел болу – ұлы арман

Тәуелсіздіктің 30 жылдығы • Кеше

Ұқсас жаңалықтар