ПРЕЗИДЕНТ ПОШТАСЫНАН

ЕЛДІГІМІЗДІҢ БОЛАШАҒЫ БАЯНДЫ БОЛСЫН Мемлекет басшысына Оңтүстік Қазақстан облысының зиялы қауым өкілдері мен ардагерлері атынан хат келді, деп хабарлады Қазақстан Республикасы Президентінің баспасөз қызметі. Оған Кеңес Одағының Баты­ры Т.Қауымбаев, “Даңқ” ордені­нің толық иегері Қ.Қалтаев, Со­циа­лис­тік Еңбек Ерлері Б.Шү­кір­беков, К.Бөр­ғазиев, халық ақыны Ә.Қа­лы­бекова, халық әртісі А.Аб­дул­лина, ақын-жазушылар М.Бай­­ғұт, Х.Есен­қара­қызы, Е.Тұ­рысов, С.Са­хабат, А.Мұ­саев, жур­налистер Б.Қонысбек, Е.Бо­ран­бай, еңбек ар­дагері С.Қалғынбаев, М.Әуезов атындағы ОҚМУ ректоры У.Би­шім­баев, Қ.А.Ясауи атындағы ХҚТУ про­фес­соры Ә.Мұ­сақұлов, өнер қайраткері М.Рүстемов, ОҚПУ “Отырар” инс­титутының про­фессоры Ө.Ғұ­бай­дуллин, Ж.Ша­нин атындағы об­лыстық қазақ драма театрының әртісі А.Қал­мырзаев, Мемлекеттік сый­лықтың лауреаты Ә.Омбаев қол қойған. Авторлар Елбасы Н.Назар­баев­ты “Батыс-Шығыс” инсти­ту­ты­ның Бейбітшілік және алдын алу дипломатиясы сыйлығына ие болуымен құттықтап, осынау на­града бүкіл Қазақстан халқы үшін үлкен қуаныш, асқақ абырой, мерейлі мәртебе екенін атап өтеді. Елбасы жүргізіп отырған сарабдал саясат­тың арқасында Қазақстан тәуел­сіздік жылдары әлем мойын­даған мем­лекетке, дүние жүзіндегі бей­бітшілік саясатын іс жүзінде дә­лелдеп келе жатқан елге айнал­ғанына тоқталады. Одан әрі хатта былай делінген: “Биылғы жылы Қазақстан Еуро­па­дағы қауіпсіздік және ынты­мақ­тастық ұйымының төрағасы ре­тінде биік тұғырға көтерілді. Азия, ТМД елдерінің арасында алғашқы болып Еуропа төріне шықты. Батыс та, Шығыс та мойындап, са­насатын, құрметтейтін ел бол­дық. Бұл – елдің тұңғыш Пре­зи­ден­ті, ұлтымыздың ұлы перзенті, адамзат тарихынан лайықты орын алатын – Сіздің ерен еңбегіңіздің нәтижесі. Дүние жүзінің бірқатар бөлі­гінде, іргелес жатқан елдерде бей­бітшілікке қауіп төніп, халықтың басына ауыртпалықтар түсіп жат­қанда, біздің елімізде орныққан ынтымақ, бірлік пен татулық, эко­номикамыздың қарқынды өсіп, халқымыздың әл-ауқатының арта түсуі кім-кімге де үлгі бо­ларлықтай. Елдігіміздің болашағы, баянды бақыты ұзағынан сүйіндіргей! Сол жолда Сізге зор денсаулық, ұзақ ғұ­мыр тілейміз! Атқарып келе жат­қан орасан еңбегіңіздің жемі­сін де, жеңісін де халқыңызбен бірге көре беріңіз!”, – делінген хатта. СЫНДАРЛЫ САЯСАТТЫҢ ЖЕМІСІ Елбасының атына Алматы облысының тұрғындары – Қазақстан Рес­пуб­ликасы қоғамдық ардагерлер ұйымы бірлестігі Алматы облыстық фи­ли­алы­ның төрағасы Е.Далбағаевтан, қоғам қайраткері Б.Сақауовадан, Еңбек Ері З.Тамшыбаевадан, соғыс және еңбек ардагері Ғ.Егембердиевтен және Қа­зақстан Республикасының еңбек сіңірген мұғалімі Т.Қанапияновтан хат келді, деп хабарлады Қазақстан Республикасы Президентінің баспасөз қызметі. Хат иелері Президенттің биылғы Жолдауында елдің әлеуметтік-эко­номикалық, рухани дамуына қатысты мәселелер көтерілгенін атап өткен. “Жұмыр жердің тағдыры үшін жауапкершілікті сезіну жайындағы тұ­шымды ойларыңызға, ядролық қа­русыздану туралы бастама көте­ріп, бүкіл әлемді бейбітшілікке ша­қыр­ған игі тілегіңізге дүние жүзі құлақ түріп, Сізді қарусыз әлем құру ісінде лайықты көшбасшы деп ба­ғалағаны және бірауыздан қол­дағаны бізді шаттандырды. Көршілес Қырғыз еліндегі бере­кет­сіздік бәріміздің жанымызға батқан еді. Осы күрделі кезеңде ЕҚЫҰ төрағасы ретінде Қыр­ғыз­стан­ның ішкі қауіпті жағдайын рет­теуге, бауырлас ағайынның өзара шие­ленісін болдырмауға ықпал ет­ті­ңіз. Төскейде малы түйіскен қоңсы Қырғыз еліндегі азаматтық соғыс­тың алдын алуға бар күш-жігеріңізді жұмсап, нақты әрекет жасадыңыз. Сіздің жанқиярлықпен жүр­гіз­ген қажырлы еңбегіңіз бен сын­дар­лы саясатыңыздың арқасында елі­мізде ба­балардың ежелгі арманы – егемен­дік пен тәуелсіздік, ынтымақ пен татулық жүзеге асты. Сон­дық­тан да күллі қазақ халқы, барша қа­зақстандықтар өздерінің арманы мен болашағын Сізге деген сенім­мен, парасаттылығыңызбен және тарихи ұлы көштің бастаушысына айналуыңызбен байланыстырады. Біз, соғыс ардагерлері, “Ел бас­қа­­рушылар – Алланың жердегі өкілі” деген Ислам қағидасын жиі қайталап, Елбасының айтқанына ұйып, жұртшылықтың тыныштық пен бірлік сақтауын әрдайым тілейміз. Қадірлі Нұрсұлтан Әбішұлы! Отанымыздың шаңырағын шаттыққа бөлеп, халқымыздың бағы мен бақытын еселей беріңіз!” – делінген хатта.