ANTIKOR • 28 Қазан, 2021

Биыл Түркістан облысында сыбайлас жемқорлыққа қатысты 55 қылмыс анықталды

46 рет көрсетілді

Бұл туралы бүгін ҚР Сыбайлас жемқорлыққа қарсы іс-қимыл агенттігінің Түркістан облысы бойынша департаменті басшысының бірінші орынбасары Нұрдәулет Самет департаментпен соңғы 9 айда атқарылған жұмыстар қорытындыланған баспасөз жиынында мәлімдеді, деп хабарлайды Egemen.kz.

Брифингте жыл басынан бері департаменттің жедел іздестіру іс-шараларын жүргізу нәтижесінде, сотқа дейінгі тергеп-тексерудің бірыңғай тізіліміне жалпы саны 73 қылмыс тіркеліп, соның ішінде 55 сыбайлас жемқорлық қылмыстары анықталғанын және бюджет қаражатын жымқыру дерегі бойынша 25 қылмыс тіркелгенін жеткізді.

Және анықталған қылмыстардың негізінде мемлекетке келтірілген залалдың жалпы құны 561,1 млн.теңгені құрағандығын, ал оның 336 млн.теңгесі мемлекет бюджетіне қайтарылғандығын мәлім етті.

Айта кетсек, Агенттікпен бекітілген басым бағыттар бойынша, оның ішінде мемлекеттік бағдарламаларға бөлінген бюджет қаражатын ысырап ету, жүйелі сыбайлас жемқорлық деректерін анықтау, лауазымды тұлғалар тарапынан шағын және орта кәсіпкерлік бизнесіне заңсыз араласу, облыстық, қалалық және аудандық басшыларға қатысты және де көлеңкелі экономикаға лауазымды тұлғалар тарапынан қамқоршылық жасау деректерін анықтауда бүгінгі күні Түркістан облыстық департаментінің жедел қызметінің жеке құрамы жүйелі түрде қызмет атқаруда.

Нұрдәулет Ілиясұлы брифинг соңында еліміздің сыбайлас жемқорлықсыз келешегі оның әрбір тұрғынына байланысты екенін атап өтіп, сыбайлас жемқорлық құқық бұзушылық фактісі туралы Агенттіктің 1424 call орталығына хабарласуға болатынын жеткізді.

Соңғы жаңалықтар

11 өңір «жасыл» аймаққа көшті

Коронавирус • Бүгін, 09:24

Тоқсанның төрінде

Аймақтар • Бүгін, 09:16

Татарстаннан олжалы оралды

Хоккей • Бүгін, 09:14

Зерттеу ауқымын кеңейту маңызды

Аймақтар • Бүгін, 09:11

Теңдесі жоқ жетістік

Қазақстан • Бүгін, 08:54

Ұқсас жаңалықтар