Кездесуді Жоғарғы Сот Төрағасы Жақып Асанов ашып, сот төрелігі және жалпы сот ісін жүргізу сапасын жақсартуды көздейтін жаңалықтар туралы айтты.
Сенаторлар сот өзгерістерінің ауқымы мен өскелеңдігін жоғары бағалады. Сенат комитетінің төрағасы Владимир Волков қазақстандық құқықтық жүйе бір орында қалып қоймағанын және шетелдік озық тәжірибе әркез енгізіліп келе жатқанын атап өтті. Ол сондай-ақ бүгінгі таңда Парламентте сот жүйесінің жұмысын жақсартуға ықпал ететін 4 заң жобасы бар екенін атап өтті.
«Заң жобалары сот жүйесін қаржыландырудың, судьяларды іріктеудің жаңа үлгісін, қылмыстық істер бойынша кассацияға қол жеткізуді ұлғайтуды және дауларды сотқа дейін реттеуден тыс тетіктерді кеңінен пайдалануды көздейді, сондай-ақ басқа да бірқатар жаңалықтар бар. Сонымен қатар Парламент депутаттары, оның ішінде сенаторлар Қанатбек Сафинов пен Ләззат Сүлеймен осы заң жобаларының екеуіне бастамашы болды», деп атап өтті Владимир Волков.
Жоғарғы соттың Әкімшілік істер жөніндегі алқа төрағасы Қанат Мусин сенаторларға жаңа әкімшілік сот жұмысының алғашқы қорытындылары мен сот ісін жүргізу проблемалары туралы айтып берді. Жоғарғы Соттың судьясы Аслан Түкиев өз кезегінде депутаттарға сот жүйесін одан әрі жаңғырту мен сот ісін жүргізуді жетілдіру жөніндегі ойларын ортаға салды.
Кездесуді қорытындылай келіп, сот жүйесіне деген сенім деңгейін арттыру үшін заң үстемдігін қамтамасыз ету қажеттігі аталып өтілді.
