Әуежайдың бұрынғы қызметкерлерінің айтуынша, оларды жұмыстан ескертусіз шығарған. Ал олардың орнына біліксіз мамандар қабылданған. Авиация прокуратурасы бұрынғы қызметкерлердің арыздарын қабылдап, мәселені шешуге уәде берді.
Аталған мәселе бойынша Алматы халықаралық әуежайының баспасөз қызметі де ресми мәлімдеме жасады.
«Алматы халықаралық әуежайы» АҚ-ға қатысты бұрынғы қызметкерлердің соңғы шағымдары негізсіз. Қызметкерлер өз бастамасы бойынша жұмыстан босатылған. Олармен жасалған еңбек шарттары Қазақстан Республикасы Еңбек кодексінің 49-бабының 5-тармақшасына сәйкес бұзылды», делінген ресми хабарламада.
