Қазақстан • 11 Қараша, 2021

Халықаралық ұйымдар құттықтауы

27 рет көрсетілді

Жақында Жалпыұлттық халық санағының негізгі кезеңі аяқталды. Бірқатар халықаралық ұйымдар Ұлттық статистика бюросын деректерді жинау процесінің аяқталуымен құттықтады, деп хабарлады Ұлттық статистика бюросының баспасөз қызметі.

Атап айтқанда, Ислам ынты­мақ­тастығы ұйымының ислам елдері үшін статистикалық, эконо­ми­ка­лық және әлеумет­тік зерттеу және оқы­ту орталы­ғы­ның бас директоры Небиль Дабур Қазақстан ста­тис­­­­тик­­терін құттықтай отырып, ын­ты­­мақ­тастықты кеңейтуге ниет білдірді.

«Мен сіздерді Қазақстанның үшінші Ұлттық халық санағы­ның табысты аяқталуымен құт­тықтағым келеді. Осы мүм­кін­дікті пайдалана отырып, мен SESRIC атынан Бюро бас­шы­лығына SESRIC-тің статис­ти­калық әлеуетті арттыру жөніндегі (STATCAB) бағдар­ламасы шеңберінде Ислам ынты­мақтастығы ұйымына мүше басқа елдермен өзінің техни­калық статис­тика­лық тәжі­ри­бесімен алмас­қа­ны және қосқан құнды үлесі үшін риза­шылығымды білдіргім келе­ді. Біздің екі мекеме арасындағы ын­ты­мақтастықты кеңейтуді асыға күте­мін», деп атап өтті Небиль Дабур.

БҰҰ Босқындар істері жөнін­дегі Жоғарғы комиссары­ның Орталық Азия бойынша өкілінің орынбасары Ду­мит­ру Липкану инклюзивті қоғам­ды дамытудағы еліміздің жетіс­тіктеріне ерекше тоқталды.

«БҰҰ БЖКБ сіздерді Қазақ­стан Республикасындағы Ұлттық санақтың табысты аяқталуымен шын жүректен құттықтайды! Біз Қазақстанның Ұлттық статистика бюросының 2021 жылғы халық санағының толығымен инклюзивті болуына бағыттаған күш-жігерін қолдаймыз және Қазақстанның осы мақсатқа қол жеткізген жетістігін куә­лан­дыруға қуаныштымыз», делінген хатта.

ТМД Мемлекетаралық статис­тика комитетінің төраға­сы Влади­мир Соколин Қазақстан­ның халық санағы шеңберінде дерек­тер­ді жинаудағы техноло­гия­лық про­гресін ерекше атап өтті. В.Соко­лин бұ­ған дейін елі­­мізде болып, жүр­гізі­ліп жат­­қан ұйымдастыру­шы­лық жұ­мыс­тармен жеке танысқан болатын.

«Халық санағы енді ғана аяқ­талды, бірақ қазірдің өзінде алғаш­қы нәтижелерді шы­ғара беруге болады. Қазақ­стан Республикасында халық сана­ғы планшеттер мен интер­нетті пайдалану арқылы ал­ғаш рет электронды түрде жүр­гізілді. Халықтың 40 пайыздан астамы интернет бойын­ша санақ парақтарын өз бетін­ше толтырып, санаққа қатыс­ты. Халықтың осындай жо­ғары қызығушылығы санақ қар­саңында өткізген үлкен ақ­параттық дайындық жұмысының нәтижесі. Қымбатты әріптестер! Санақ аяқталды, бірақ жұмыс жал­ғасуда. Алда нәтижелерді шыға­руға және жариялауға байланыс­ты маңызды кезең бар. Шын жүрек­тен табыс ті­леймін және Қазақ­стан Республи­касын­дағы үшінші Ұлттық халық санағының нәтиже­лерін күтеміз», деді В.Соколин.

БҰҰ-ның Қазақстандағы Тұрғын халықтың қоныстануы саласындағы қоры да (ЮНФПА) өзінің құттықтау хатын жолдады.

«Сіздерді БҰҰ ұсыным­дары­на сәйкес екі жаһандық раунд шең­берінде өткізілген халық сана­­ғының сәтті аяқталуымен құт­тық­­таймыз. ЮНФПА Ұлт­тық статис­­­тика бюросына осы зерт­теу­лер­ді жүргізудегі ынты­мақ­тасты­ғы үшін өз ризашы­лығын білді­реді!», деп атап өтті ЮНФПА-ның Қазақ­­­стандағы Атқарушы өкілі Райымбек Сисемалиев.

Сондай-ақ құттықтау хаттар Дүниежүзілік банк пен БҰҰ Даму бағдарламасының тұрақты өкілдігі атынан да келді.

Соңғы жаңалықтар

Ұқсас жаңалықтар