Қазанның бірінші онкүндігінде республиканың барлық аумағында суық болды, сондықтан түнде рекорд ауа температурасы тіркелген. Мысалы, 2 қазанда Аяққұм метеостанциясында (Ақтөбе облысы) ауа температурасының ең төменгі мәні түнде - 2,7 градус болды, осылайша ауа температурасы -1 градусқа жеткен 1976 жылғы рекордты жаңартты. 9 қазанда Ақтау метеорологиялық станциясында (Маңғыстау облысы) ауа температурасының ең төменгі мәні +1,8 градус болды, осылайша мұнда ауа температурасы +2,2 градусқа жеткен 1987 жылғы рекорд жаңарды.
«Қазанда кей күндері Қазақстанның қиыр солтүстігінде, солтүстік-шығысында және шығысында екінші және үшінші онкүндіктер аяғында тіркелген ауа температурасының максимал мәндер рекорды да жаңарды. Мысалы, Кішкенекөл метеорологиялық станциясында (Солтүстік Қазақстан облысы) қазанның екінші жартысында ауа температурасы +18,1 градус болды, нәтижесінде осы күннің бұрынғы рекорды жаңарды, ол +16,8 градус болды және 2009 жылы тіркелген. 20 қазанда күндіз Өскемен метеорологиялық станциясында (Шығыс Қазақстан облысы) ауаның ең жоғары температурасы +22,1 градус болды, нәтижесінде осы күннің бұрынғы рекорды жаңарды, ол 1989 жылы +20,9 градус болды, сондай-ақ 24 қазанда Екібастұз метеорологиялық станциясында (Павлодар облысы) күндіз ауаның ең жоғары температурасы +16,2 градус болды, соның нәтижесінде 1991 жылы +14,7 градус болған осы күннің бұрынғы рекорды жаңарды», деді «Қазгидромет» өкілдері.
