Коронавирус • 19 Қараша, 2021

Армения Қазақстанның вакцина паспортын мойындады

205 рет
көрсетілді
1 мин
оқу үшін

Қазақстанның денсаулық сақтау министрі Алексей Цой Ереванда Арменияның Денсаулық сақтау министрі Анаит Аванесянмен кездесті, деп хабарлайды Egemen.kz.

Армения Қазақстанның вакцина паспортын мойындады

«Кездесу барысында екіжақты ынтымақтастықтың басымдықтары белгіленіп, вакцинация паспорттарын өзара тану туралы жарияланды», деп хабарлады Алексей Цой.

Армения вакцинациялау паспорты Қазақстанда танылған 20-шы мемлекетке айналды.

«ҚР аумағында келесі елдерде берілген азаматтардың КВИ-ға қарсы вакцинациялаудың паспорттары/сертификаттары/анықтамалары жарамды деп танылсын: Аргентина Республикасы, Венгрия, Грузия, Иран Ислам Республикасы, Иордания, Қырғыз Республикасы, Мальдив Республикасы, Моңғолия, Армения Республикасы, Беларусь Республикасы, Молдова Республикасы, Перу Республикасы, Сан - Марино республикасы, Сербия, Тунис Республикасы, Үндістан Республикасы, Филиппин Республикасы, Таиланд, Түркия Республикасы, Эстония Республикасы», делінген елдің бас санитарлық дәрігерінің қаулысында.

Бұдан басқа, сапар шеңберінде Еуразиялық экономикалық одаққа мүше мемлекеттердің өндірісі Еуразиялық экономикалық одақта 2024 жылға дейін қамтамасыз етілуі тиіс стратегиялық маңызды дәрілік препараттармен және медициналық қолдануға арналған фармацевтикалық субстанциялармен қамтамасыз етілу деңгейін арттыру жөніндегі іс-шаралар жоспары талқыланды.