МӘСКЕУ МЕН АСТАНАДАҒЫ ЖЕҢІС ШЕРУІНЕ ҚАТЫСУҒА АТТАНДЫ
Жеңіс мерекесі жақындаған сайын арамызда жүрген ардагер-жауынгерлерге деген құрмет тіпті арта түскендей. Олардың ел қорғаудағы ерлігі мен бейбіт замандағы ерен еңбегі бүгінде көпке үлгі. Жеңіс мерекесі қарсаңында ұйымдастырылған ізгі шаралардың бірі жуырда “Алатау” шипажайындағы дастарқан басында жалғасты. Алдыңғы күні Мәскеу мен Астанада өтетін салтанатты шеруге Жетісу өлкесінен арнайы қатысатын бір топ соғыс ардагерлері бас қосқан жиында облыс әкімі Серік Үмбетов ақсақалдарды мерекелерімен шын жүректен құттықтады.
– Ел басына күн туған зұлмат шақты бастан өткізіп, ұрпаққа бүгінгі бақытты өмірді сыйладыңыздар. Уақыт алыстаған сайын қаһарман аға ұрпақтың айбыны да арта түсуде. Оқ пен оттың алапатынан аман оралған, “Жеңіс” деген ұлы сөзді сыйлаған сіздердің ерліктеріңіз әрқашан құрметке лайық. Келер ұрпақ үшін өшпес өнеге. Сондықтан да өңірдегі ардагерлер атынан Мәскеу мен Астанадағы Жеңіс шеруіне қатысу құрметіне ие болып отырсыздар. “Есімі ел жүрегінде сақталған ер ғана бақытты”, демекші, осы аталы сөзге лайық барша ардагер жауынгерлерге денсаулық тілеймін. Ұрпақтарыңыздың бақытын көріңіздер, – деген облыс әкімі оларға Қазақстан Республикасы Президентінің Жарлығымен тағайындалып, Ұлы Отан соғысындағы Жеңістің 65 жылдығына арналған мерекелік медальдарды тапсырып, зор ілтипат танытты.
Алматы облысынан Мәскеудегі Жеңіс шеруіне майданға 1942 жылы шақырылып, Москва қаласын қорғауға қатысқан, І-ші дәрежелі Отан соғысы, “Халықтар Достығы” ордендерімен, бірнеше медальдармен марапатталған ішкі істер саласының генерал-майоры, талдықорғандық Әбдіқадыр Болсамбеков пен Қарасай ауданынан келген І-ші Украина майданында ұрысқа қатысып, ерлігімен танылған, ІІ-ші дәрежелі Отан соғысы, “Қызыл Жұлдыз” ордендерімен марапатталған Шамай Қайназаров баратын болды.
Бұдан басқа 10 соғыс ардагері Отанымыздың бас қаласы Астанада өтетін Жеңіс шеруі сапында болу құрметіне ие болды. Олардың арасында отты жылдарда ерлермен бірдей ерлік көрсеткен қараталдық Нина Қабдрахманова, жамбылдық Шолпанқұл Таранов, балқаштық Сейдахмет Әбдірәсілов, еңбекшіқазақтық Жолдын Иманқұлов, шонжылық Әбдіжәлел Шарипов, талғарлық Өкен Нұрғожаев бар.
Кездесуде Мәскеуге баратын ардагер жауынгер Шамай Қайназаров сөйлеп, бүгінгі таңда өздеріне көрсетілген құрметке алғысын айтты.
Осындай жылы лебізді Райымбек ауданынан келген 91 жастағы Шоғанбай Мұсаев, облыстық ардагерлер кеңесінің төрағасы Егеубек Далбағаев, алакөлдік Смадияр Санияров та білдірді.
Мерекелік көңіл-күйдегі қарт жауынгерлер Сүйінбай атындағы облыстық филармония өнерпаздарының концертін тамашалап, кешкісін Астанаға аттанды.
Күмісжан БАЙЖАН.
Алматы облысы.
Жеңіс мерекесі жақындаған сайын арамызда жүрген ардагер-жауынгерлерге деген құрмет тіпті арта түскендей. Олардың ел қорғаудағы ерлігі мен бейбіт замандағы ерен еңбегі бүгінде көпке үлгі. Жеңіс мерекесі қарсаңында ұйымдастырылған ізгі шаралардың бірі жуырда “Алатау” шипажайындағы дастарқан басында жалғасты. Алдыңғы күні Мәскеу мен Астанада өтетін салтанатты шеруге Жетісу өлкесінен арнайы қатысатын бір топ соғыс ардагерлері бас қосқан жиында облыс әкімі Серік Үмбетов ақсақалдарды мерекелерімен шын жүректен құттықтады.
– Ел басына күн туған зұлмат шақты бастан өткізіп, ұрпаққа бүгінгі бақытты өмірді сыйладыңыздар. Уақыт алыстаған сайын қаһарман аға ұрпақтың айбыны да арта түсуде. Оқ пен оттың алапатынан аман оралған, “Жеңіс” деген ұлы сөзді сыйлаған сіздердің ерліктеріңіз әрқашан құрметке лайық. Келер ұрпақ үшін өшпес өнеге. Сондықтан да өңірдегі ардагерлер атынан Мәскеу мен Астанадағы Жеңіс шеруіне қатысу құрметіне ие болып отырсыздар. “Есімі ел жүрегінде сақталған ер ғана бақытты”, демекші, осы аталы сөзге лайық барша ардагер жауынгерлерге денсаулық тілеймін. Ұрпақтарыңыздың бақытын көріңіздер, – деген облыс әкімі оларға Қазақстан Республикасы Президентінің Жарлығымен тағайындалып, Ұлы Отан соғысындағы Жеңістің 65 жылдығына арналған мерекелік медальдарды тапсырып, зор ілтипат танытты.
Алматы облысынан Мәскеудегі Жеңіс шеруіне майданға 1942 жылы шақырылып, Москва қаласын қорғауға қатысқан, І-ші дәрежелі Отан соғысы, “Халықтар Достығы” ордендерімен, бірнеше медальдармен марапатталған ішкі істер саласының генерал-майоры, талдықорғандық Әбдіқадыр Болсамбеков пен Қарасай ауданынан келген І-ші Украина майданында ұрысқа қатысып, ерлігімен танылған, ІІ-ші дәрежелі Отан соғысы, “Қызыл Жұлдыз” ордендерімен марапатталған Шамай Қайназаров баратын болды.
Бұдан басқа 10 соғыс ардагері Отанымыздың бас қаласы Астанада өтетін Жеңіс шеруі сапында болу құрметіне ие болды. Олардың арасында отты жылдарда ерлермен бірдей ерлік көрсеткен қараталдық Нина Қабдрахманова, жамбылдық Шолпанқұл Таранов, балқаштық Сейдахмет Әбдірәсілов, еңбекшіқазақтық Жолдын Иманқұлов, шонжылық Әбдіжәлел Шарипов, талғарлық Өкен Нұрғожаев бар.
Кездесуде Мәскеуге баратын ардагер жауынгер Шамай Қайназаров сөйлеп, бүгінгі таңда өздеріне көрсетілген құрметке алғысын айтты.
Осындай жылы лебізді Райымбек ауданынан келген 91 жастағы Шоғанбай Мұсаев, облыстық ардагерлер кеңесінің төрағасы Егеубек Далбағаев, алакөлдік Смадияр Санияров та білдірді.
Мерекелік көңіл-күйдегі қарт жауынгерлер Сүйінбай атындағы облыстық филармония өнерпаздарының концертін тамашалап, кешкісін Астанаға аттанды.
Күмісжан БАЙЖАН.
Алматы облысы.
