Оқиға • 23 Қараша, 2021

Елордада пәтер тонаған күдікті ұсталды

49 рет көрсетілді

Елордада полиция жедел іздестіру іс-шаралары барысында пәтерге ұрлыққа түсті деген күдікпен 42 жастағы ер адамды ұстады, деп хабарлайды Egemen.kz.

Нұр-Сұлтан қалалық Полиция департаментінің мәліметінше, күдікті тұрғындардың ізін ала подъездге кіріп, пәтерлердің есігін тартып көре бастаған. Сөйтіп, құлыптанбаған пәтерлердің біріне кіріп, кіре берісте тұрған құны 400 мың теңге болатын «Ксиоми» маркалы ұялы телефон мен рюкзакты алып кеткен.

«Күдікті уақытша оқшаулау орнына қамалды. Ұрланған телефон тәркіленіп, иесіне қайтарылды. Аталған факті бойынша сотқа дейінгі тергеу жүргізіліп жатыр. Күдіктінің бұған дейін жасалған осындай қылмыстарға қатысы тексерілуде», деп атап өтеді ведомстводан.

Сонымен қатар Полиция департаменті елорда тұрғындарына сақ болуды және құнды заттарын қараусыз қалдырмауды ескертеді.

Соңғы жаңалықтар

Елорда «жасыл» аймаққа өтті

Коронавирус • Кеше

Ұқсас жаңалықтар