Әлем • 27 Қараша, 2021

«Омикрон»: Әлем елдері шекараларын жауып жатыр

734 рет көрсетілді

Женевадағы Дүниежүзілік денсаулық сақтау ұйымының шұғыл отырысында коронавирус мутанты ресми VOC (қауіп тудыратын нұсқа) деп жіктелді, деп хабарлайды Egemen.kz ВВС-ге сілтеме жасап.

«Бұл нұсқада өте көп мутация бар, олардың кейбірі аса қауіпті. Алдын ала мәлімет бойынша, бұл түрді басқа штаммдармен салыстырғанда қайта жұқтыру қаупі жоғары. Сондай-ақ коронавирустың бұл түрі бұған дейінгі инфекцияларға қарағанда тез таралады», деп атап өтті ДДСҰ.

Жұма күні таңертеңнен бастап әлем елдері шекарада шектеу шараларын күшейте бастады. Оңтүстік Африкада табылған және B.1.1.529 деп аталатын коронавирустың жаңа қауіпті түрін өз аумағына әкелуге жол бермеуге тырысып жатыр.

Қазіргі уақытта коронавирустың жаңа түрін 100-ге жуық адам жұқтырған, олардың көпшілігі Оңтүстік Африканың Гаутенг провинциясында. Ресейден бөлек, АҚШ, Ұлыбритания, Германия, Италия, Израиль, Сингапур, Франция, Чехия және Жапония да Африка елдерінің азаматтарына елге кіруге тыйым салды.

«Омикрон» Еуропаға да жеткен: алғашқы жағдай Бельгияда тіркелді. Еурокомиссия басшысы Урсула фон дер Ляйен барлық Еуропа елдерін вирустың жаңа түрі табылған елдерден келетін туристерді уақытша кіргізбей тұруға шақырды.

«Қазір Еуропада бәріміз өте тез, батыл және үйлесімді әрекет етуіміз керек», деді ол.

Соңғы жаңалықтар

Ұқсас жаңалықтар