Коронавирус • 29 Қараша, 2021

Алексей Цой коронавирустың жаңа штамы туралы дерек жариялады

138 рет көрсетілді

Қазақстанның денсаулық сақтау министрі Алексей Цой Дүниежүзілік денсаулық сақтау ұйымына сілтеме жасай отырып, коронавирустың жаңа «омикрон» штамы туралы жаңартылған деректерді жариялады, деп хабарлайды Egemen.kz.

«Омикрон» туралы жаңартылған ақпарат. Қысқаша мазмұны: зерттеу жалғасып жатыр, ал барлық қорытынды басқа нұсқалардағы ұқсас мутациялар туралы тәжірибе мен білімге негізделген.

Тасымалдану әлеуеті: «омикрон» басқа штамдарға қарағанда қалай таралатыны әлі белгісіз. Иә, Оңтүстік Африкада қазір бұл шатамды жұқтыру дерегі көбейген, бірақ эпидемиологиялық зерттеулер аяқталғанға дейін бұл нұсқаның таралу әлеуеті артқаны туралы нақты қорытынды жасауға болмайды», деп жазды Цой Facebook-те.

Оның айтуынша, сондай-ақ «омикрон» штамы денсаулыққа қаншалықты ауыр жағдай туғызатыны әлі белгісіз.

«Әзірге «омикрон» белгілері COVID-19-дың басқа нұсқаларынан қалай ерекшеленетіні туралы ешқандай дәлел жоқ. Алдын ала мәлімет Оңтүстік Африкада ауруханаға жатқызу жиілігі көбейгенін көрсетеді, бірақ ауруханаға жатқызу қауіптің алдын алуға байланысты болуы мүмкін.

Табиғи иммунитеттің тиімділігі (ауырған адамдарда): алдын ала деректер басқа нұсқалармен салыстырғанда «омикронды» қайта жұқтыру қаупі жоғары болуы мүмкін екенін көрсетеді, бірақ деректер аз», деді министр.

Соңғы жаңалықтар

Доллар бағамы көтерілді

Экономика • Бүгін, 11:50

Жүрек іздеген адам

Өнер • Бүгін, 09:05

Шешуші матчқа қатыса алмайды

Футбол • Бүгін, 08:55

Ұқсас жаңалықтар