«Ұйымның маңыздылығын айта отырып, мен ең алдымен, қадірменді ақсақалымыз Нұрсұлтан Әбішұлы Назарбаевтың түркі әлемі елдерін біріктіру идеясын концептуалды әзірлеу мен іс жүзінде жүзеге асырудағы, сондай-ақ ынтымақтастықты институттандырудағы орасан зор, негіз қалаушылық рөлін атап өткім келеді», деді Өзбекстан Президенті.
Өзбекстан басшысы тұтас түркі жұртының мақсат-мұратын бір арнаға тоғыстырған ұйымның алға қойған мідеті зор екендігіне де айрықша тоқталды.
«Бүгінгі таңда ұйымның алдында бірқатар маңызды міндеттер тұр. Біздің ойымызша, бұл бірінші кезекте қатысушы мемлекеттер арасындағы сауда-экономикалық байланыстарды одан әрі дамыту және нығайту. Осыған байланысты өзара тауар айналымы көлемін ұлғайту бойынша ұсыныстар әзірлеу үшін Түркі мемлекеттерінің сауда ынтымақтастығы мәселелерін зерттеу орталығын құру туралы ұсынысты алға тарттық. Ұйымның интеграциялық әлеуетін іске асыруда қатысушы елдердің көліктік сектордағы өзара байланыс бағдарламасының қабылдануы аса маңызды болады», дейді Шавкат Мирзиёев.
Жаңа ұйымның бір мақсат жолында түркі мемлекеттерімен бірлесіп атқарар жұмысы аз емес. Әсіресе жастардың жаңашыл идеяларын қолдау, интелектуалдық және экономикалық әлеуетті арттыру, туризм саласына жан бітіру және өзге маңызды мәселелер күн тәртібінен түспек емес.
«Жаңа, инновациялық және технологиялық даму моделіне өтуде, оның ішінде жасыл, экологиялық таза, энергия үнемдейтін және қауіпсіз технологияларды енгізу, экологиялық дағдарыстардың салдарын жеңілдету мен қоршаған ортаны қорғау бойынша бастамаларды жүзеге асыру, сондай-ақ туризмді тұрақты даму факторы ретінде пайдалануда біз өз күшімізді біріктіруіміз керек. Сарапшылар мен IT мамандарының тұрақты платформасын, сондай-ақ түркі елдерінің қоршаған ортаны қорғау құрылымын қалыптастыру бойынша штаб-пәтерін Арал бойында – экологиялық апаттан ең көп зардап шеккен аймақта құру бастамасы осыған бағытталған.
Елдеріміздің дамуындағы жастардың рөлі артып келе жатқанын ескере отырып, сондай-ақ олардың әлеуетін толық іске асыру мақсатында біз түркі әлемінде 2022 жылды Жастар бастамаларын қолдау жылы деп жариялауды ұсындық.
Түркі мемлекеттері орасан зор ресурстарға ие – тарихи-мәдени және рухани мұраға ең бай мемлекет екеніне сенімдімін, орасан зор интеллектуалдық және экономикалық әлеует, толеранттылық дәстүрлері мен ағартушылық – адамзат алдында тұрған жаһандық мәселелерді шешуде барған сайын маңызды рөл атқаратын болады», деді Өзбекстан Президенті.
