Тәуелсіздіктің 30 жылдығы • 06 Желтоқсан, 2021

Нұрсұлтан Назарбаев: Нағыз патриот, кәсіпқой тұлғаны Президенттік қызметке ұсындым

976 рет көрсетілді

Тәуелсіздіктің 30 жылдығы қарсаңында, Елбасы, Тұңғыш Президент Нұрсұлтан Әбішұлы Назарбаев «Тәуелсіздік тағлымы» мақаласын жариялады, деп жазады Egemen.kz.

Нұрсұлтан Назарбаев аталған мақалада егемендіктің ел үшін құндылығын бағамдап, Тәуелсіздікке тәй-тәй қадам басқан күрделі кезеңдер мен тарихи, тағдырлы сәттерді еске алды. 

Елбасы елдегі Президенттік билік ауысқан кезең жайында да тілге тиек етті.

«Осыдан екі жарым жыл бұ­рын елі­мізде президенттік билік ауысты. Маған: «Ата заңымызда Сізге ешқан­дай шектеулілік жоқ. Соңғы сайлауда халық­тың 98%-ына жуығының қолдауына ие болдыңыз. Қызметіңізді атқара беріңіз», деушілер аз болған жоқ. Бірақ әр нәрсе өз ретімен болуы керек», деді Нұрсұлтан Назарбаев.

Ол сондай-ақ, Қазақстан тізгінін ұстаған екінші тұлғаның да кездейсоқ ұсынылмағанын айтты. 

«Отыз жылға жуық ел бас­қар­ған ке­зім­де мен жаныма қан­шама азаматты серік етіп, көптеген шәкірт тәрбиеле­дім. Солардың ішінде Үкімет бас­қарған, Біріккен Ұлттар Ұйымы бас хатшы­сының орын­басары ретінде жаһандық саясатқа жетіктігін танытқан, тәуелсіз­діктің алғашқы жылдарынан бастап қасым­нан табылған нағыз патриот, жоғары білікті кәсіпқой тұлға Қасым-Жомарт Кемелұлы Тоқаевты Президенттік қызметке ұсындым. Сайлауда халықтың басым көпшілігі оны қолдады. Осылайша, біз халқымыз­дың ауызбірлігін, саясаттағы сабақтас­тығымызды күллі әлем қоғамдастығына тағы бір қырынан таныта білдік», деді Елбасы.

Соңғы жаңалықтар

Доллар қымбаттады

Қаржы • Бүгін, 16:25

Ұқсас жаңалықтар