![Семейде екінші ауысымдағы 0-9 сыныптар онлайн оқиды](/media/2021/12/20/a36d152e-2c2f-4c86-ac53-3348dc73fae0.jpeg)
ШҚО Төтенше жағдайлар департаменті баспасөз қызметінің мәліметіне сүйенсек, Семейде 20 желтоқсанда ауа райының нашарлауына, нақты айтқанда көктайғаққа байланысты екінші ауысымдағы 0-9 сынып оқушылары онлайн форматта оқитын болды.
«Таңертең қаладағы 9 сыныпқа дейінгі оқушылар сабақты қашықтан оқыған. Сондай-ақ көктайғақ салдарынан Курчатов қаласындағы 0-11 сынып оқушылары да мектепке бармады», деп хабарлады ведомство өкілдері.