Осылайша, сотталғандардың жазаны өтеу тәртібін бұзуының алдын алу және жолын кесу, мекеме әкімшілігі тарапынан азаптауларға және өзге де құқыққа қайшы әрекеттерге жол бермеу үшін дәретханаларды, жуынатын және себезгі бөлмелерін, моншаларды және ұзақ кездесу бөлмелерінің жатын үй-жайларын қоспағанда, ҚАЖ мекемелеріне бейнекамералар орнатылады.
Бұл ретте сотталғандарды сыртқы дене тексеруі жүзеге асырылатын үй-жайлар экрандармен жабдықталады.
Әйелдерді ұстауға арналған мекемелер мен үй-жайларда операторлар әйел қызметкерлерді тағайындайды.
Бейне мұрағатының сақталу мерзімі кемінде 60 тәулікті құрайды.
Жазбалардың көшірмелерін беру қылмыстық-атқару жүйесінің жоғары тұрған органдарының, қылмыстық қудалау органдарының, соттың, прокуратураның, сондай-ақ адвокаттардың және жәбірленушілер өкілдерінің ресми сұрау салуы бойынша Қылмыстық-процестік кодексте көзделген тәртіппен жүргізіледі.
Бұйрық 2022 жылғы 9 қаңтардан бастап қолданысқа енгізіледі.
