Нұр-Сұлтанда ТКШ реформасын іске асыру үшін елорданың өзін-өзі реттейтін ұйымдарының қатысуымен «Тұрғын үй қатынастары туралы» ҚР Заңын орындауға ықпал ететін іс-шаралар жүзеге асырылуда. Барлық шаралар бюджет қаражатынсыз тұрғын үй қорын басқару қызметін кәсібилендіруге, тұрғын үй саясатын енгізуге және мүліктің сауатты меншік иесі институтын дамытуға бағытталған, деп хабарлайды қала әкімдігінің ресми сайты.
МИБ бағдарламасын іске асыру жөніндегі іс-шаралар елордада 2020 жылдан бастап белсенді түрде жүзеге асырылуда.
Меншік иелерінің бірлестігі (МИБ) – бұл басқарудың жаңа нысандарының бірі (заңды тұлға - коммерциялық емес ұйым), ол пәтерлер мен коммерциялық үй-жайлардың иелері күн сайын өз қаржыларын салатын үйді басқара алатындай етіп құрылған.
Алайда, жауапты қадам туралы шешім қабылдамас бұрын және басқаруды бақылауды өз қолыңызға алудан бұрын, меншік иелерінің көпшілігінің келісімін алу керек, сонымен қатар Әділет департаментінде заңды тұлғаны тіркеу үшін бірқатар рәсімдерді жүргізу қажет.
Құжаттарды дайындауға және МИБ-ті тіркеу бойынша кеңес беруге көмектесу, МИБ-тің жаңа қалалық қызмет көрсету орталығын толығымен қамтамасыз етті.
«Басқарудың жаңа нысанын және мүліктің сауатты меншік иесі институтын енгізу - көп еңбекті қажет ететін процесс. Меншік иелерін үйді басқаруға қосымша жүктеме алуға сендіру - бұл үлкен міндеттің бір бөлігі. Бүгінгі күні қала басшылығының дұрыс құрылған жұмысының арқасында жүйелік деңгейде МИБ-ті құру мәселелері бойынша көмек көрсетіледі. Бірақ басқарудың жаңа формаларының тіршілікте тұрақты болуы үшін қалай жағдай жасау керек деген мәселені қазірден бастап шешу қажет. Адамдар көршілерімен тату болып, үйдің игілігі үшін бірлік пен бейбітшілікте жұмыс істеуі үшін маңызды. Кейбір үйлерге қомақты қаржы қажет, барлық меншік иелері инженерлік жүйелерге, қабырғаларға, шатырға, қасбетке бірдей инвестиция салуға дайын емес. Әркімнің мүмкіндіктері бірдей емес. Бұл даулар мен қақтығыстарды тудырады. Адамдар бірнеше жылдар бойы үйден ресурс алды, бірақ оны қалпына келтіруге әрқашан дайын емес. ТКШ реформасының әсері басқарудың жаңа нысандарының санында емес, олардың тұрақтылығында болады деп санаймын. Өтпелі кезеңде МИБ-тің тиімді жұмыс істеуіне мүмкіндік беретін құралдарға баса назар аудару қажет», деп атап өтті Нұр-Сұлтан МИБ орталығының басшысы Гүлвира Әбетова.
