ТЖ режимін бұзған азаматтарға қатысты барлығы 586 әкімшілік хаттама толтырылды. 51 адам әкімшілік қамауға алынса, 14 бұзушыға айыппұл салынды. Сондай-ақ полиция қызметкерлері қала тұрғындарынан тыйым салынған 36 затты тәркіледі.
Мәселен, Балқаш блокпостынан 53 жастағы қала тұрғыны басқарған Land Cruiser автокөлігінен тегіс ұңғылы қаруға арналған 6 патрон табылды. Көлік иесіне қатысты азаматтық қаруға арналған патрондарды тасымалдау тәртібін бұзғаны үшін хаттама жасалды.
Сондай-ақ ТЖ кезінде полиция қызметкерлері 16 бірлік тегіс ұңғылы қаруды, 6 пышақты тәркілеп, есірткі заттарын сақтаудың 8 фактісін анықтады.
