![Айгүл Шайымова вице-министр қызметінен босатылды](/media/2022/01/14/220114150328670e.jpg)
«Үкімет қаулысы бойынша, Айгүл Амантайқызы Шайымова басқа қызметке ауысуына байланысты ұлттық экономика вице-министрі қызметінен босатылды», делінген премьер-министрдің баспасөз қызметі хабарламасында.
Айгүл Шайымова ұлттық экономика вице-министрі қызметіне 2020 жылы шілдеде тағайындалған.
Айгүл Шайымова 1979 жылы Целиноград облысының Мариновка ауылында дүниеге келген. Гумилев атындағы Еуразия университетін, Қаржы полициясы академиясын, РФ Президенті жанындағы Ресей халық шаруашылығы және мемлекеттік қызмет академиясын тәмамдаған.
Әр жылдары ҚР Қаржы полициясы агенттігінде, Экономикалық қылмысқа және сыйбайлас жемқорлыққа қарсы күрес агенттігінде, ҚР Бас прокуратурасында жұмыс істеді.
2013-2014 жылдары Қазақстан Республикасы Қауіпсіздік Кеңесінің Ситуациялық орталығы меңгерушісінің орынбасары қызметін атқарды.
2014-2016 жылдары - Қазақстан Республикасы Мемлекеттік қызмет істері және сыбайлас жемқорлықпен күрес агенттігінің аппарат жетекшісі.
2016 жылы - Қазақстан Республикасы Мемлекеттік қызмет істері вице-министрі.
2016 жылғы қыркүйек айынан бастап 2019 жылғы шілдеге дейін Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының орынбасары қызметін атқарды.
2019 жылғы шілдеден бастап Мәдина Серікқызы Жүнісбекованың оқу демалысы кезеңінде Қазақстан Республикасы ұлттық экономика вице-министрі қызметін атқарды.