Шаһар басшысы Тұран және Асар-2 шағынаудандарында атқарылған жұмыстарды қадағалап, тұрғындармен кездесті.
Елді мекендерді инженерлік желілермен қамтудың Жол картасы бекітілген. Қала шағынаудандары мен тұрғын алаптарында айқындалған өзекті мәселелер осы межеге сәйкес кезең-кезеңімен шешілетін болады.
Тұран шағынауданында ауыз су, электр қуаты, табиғи газбен қамту жұмыстары жоспарға сәйкес атқарылуда. 6,88 шақырым магистрал құрылысы және бірінші кезең бойынша ішкі орамдық жүйелердің құрылысы толық аяқталған.
Асар-2 елді мекенінде ауыз су жүйелерінің құрылысы аяқталып, пайдалануға берілді. 50,04 шақырым газ жүйелерінің құрылысы жүргізілді.
Қала әкімі тұрғындармен кездесуде аталған жұмыстардың барлығы азаматтардың игілігі үшін атқарылып жатқанын атап өтті. Елді мекендерде тұрғындар үшін лайықты өмір сапасын қамтамасыз ету бағытында ауқымды жұмыстар жоспарлы түрде жүзеге асып, елді мекендегі өзекті мәселелер ретімен шешілетіндігін айтты.
