Аймақтар • 24 Қаңтар, 2022

Жамбыл облысының тұрғынынан тіркелмеген қару табылды

165 рет

көрсетілді

1 мин

оқу үшін

Қаңтар айының басында орын алған жаппай тәртіпсіздік барысында жоғалған, ұрланған қаруларды анықтау мақсатында полиция қызметкерлері Жамбыл облысы, Сарысу ауданы аумағында құрылысы аяқталмаған, қараусыз қалған ғимараттарға, ауылдардың маңайы және т.б. аумақтарға тексеру жұмыстарын жүргізді, деп жазады Egemen.kz.

Дана МЫРЗАҚАДІР

Жамбыл облысының тұрғынынан тіркелмеген қару табылды

Рейдтік іс-шаралар барысында Досбол ауылының 43 жастағы тұрғынынан тіркелмеген 12 калибрлі тегіс ұңғылы аңшы мылтығы, 10 дана оқ-дәрі, 5 гильза және 4 қолдан жасалған пышақ анықталды.

Сондай-ақ 24 жастағы осы ауылдың тұрғынынан заңсыз сақталған 12 калибрлі аңшы мылтығы және 24 дана 12 калибрлі оқ-дәрі табылды.

Аталған азаматтарға қатысты ҚР Әкімшілік құқық бұзушылық туралы кодекстің 482-бабымен (Қаруды заңсыз иеленіп алу, беру, өткізу, сақтау, алып жүру, тасымалдау) хаттама толтырылды.