Өнер • 27 Қаңтар, 2022

Жүрек іздеген адам

76 рет көрсетілді

Одан бері алып таудың басынан ғасыр аунады. Теңіз қаншама мәрте толқыды, жолдар жаңарды, бірақ адамның санасы бәз-баяғы қалпында. Өзі ойлап тапқан кеселдің құрбаны болған дәуірдің бет-бейнесі қызыл ала қан. Енді жақынынан айырылған адамның көңілін тербетуге өмірдің шамасы жете ме екен...

XX ғасырдың басы. Испан тұмауы. Дәл қазіргі дүрбелең кезеңнің кескін-келбетіне қарап, сол сәттің бітімін ойша сызуға болатындай. Әбігерге түскен әлем әуелгі сырқаттың шыр­­­мауына оралды. Жа­һан­дық індетпен жалаң қол алысқан дәрігерлер су­ретші Эгон Шиленің отбасын аман алып қала алмады. Қайғыдан қан жұтқан қыл­қалам шебері қайда барса да өз өліміне жолыға берді. Әрі қарай өмірінің мәні кетіп, мұңы қалғандай күй кешті.

Жан азабы жанына бат­қан шебер 1918 жылы «Махаббат» картина­сын жазады. Бұл оның ажа­лының символдық хабаршысы еді. Ақыры Еуропа кон­тинентінің мыңдаған тұр­ғынының өмірін қи­ған қорқынышты дерт суретшінің де ғұмырына нүкте қойды. Әуелден-ақ шы­ғар­машылығы дра­маға толы жас суреткер дү­ниеден қайтарын күні бұ­рын сезген деседі.

«Махаббат» картинасы тағы бір атақты аустриялық суретші Густав Климттің шы­ғармашылығына тән гла­мурлық-мифтік стильде жазылған. Туындыдағы басты әрі жалғыз кейіпкер – аласапыран ішіндегі ав­тордың өзі.

Жас жігіттің беті айқын үшбұрышты пішінді, мұр­ны қоңқиған, ерні үлкен келген. Ол бөлмеде не болып жатқанын білу үшін бір қырынан қарап тұр. Сондағы әңгімеге қосылу үшін пор­трет­тен кетуге дайын се­кілді. Ұзын кір­піктермен қоршалған жарқын көздері көңіл боса­тады. Жалпы, сыртқы келбеті өте ұқыпты жа­зыл­­ған, қоңыр көйлегі мен қысқа шашы әдемі үй­леседі. Бірақ тым әлжуаз. Өңі бозғылт-сары, бұл дерті меңдеген жанның дидары екені даусыз. Суретте анық сызылған фон жоқ, адам ешкімге тәуелді емес және ешкімге сенбейді.

Иә, бұл – жүрегі жоқ картина. Эгон – жүрек іздеген адам. Ең өкініштісі, әйелі мен құрсақтағы баласы індеттің құрбаны болды. Бір күнде, бір уа­қытта. Сол себепті кенеп іші бозғылт түстермен боял­ған, қараңғы әлемнің құр­сауынан шыға алмаған жанның елесі көрінеді.

Соңғы жаңалықтар

Балықшы

Өнер • Бүгін, 22:50

Жүген ұстап қалмасақ жарар еді...

Аймақтар • Бүгін, 22:48

Ғалым ғибраты

Аймақтар • Бүгін, 22:43

Жауынгерлік тарих жәдігерлері

Қазақстан • Бүгін, 22:39

Күрек пен жүректің орны...

Қоғам • Бүгін, 22:32

Біз қаншалықты өзгердік?

Қоғам • Бүгін, 22:28

Бюрократизм

Қоғам • Бүгін, 22:26

Бірінші байлық

Руханият • Бүгін, 22:16

Елді жаңарту мен жаңғырту кепілі

Референдум-2022 • Бүгін, 22:11

Кеншілер қаласындағы кездесу

Аймақтар • Бүгін, 22:10

Өзгерістердің мән-жайы түсіндірілді

Референдум-2022 • Бүгін, 22:07

Агробанк керек пе?

Экономика • Бүгін, 21:59

Ұқсас жаңалықтар