Жанар Жарылғасова 1973 жылы Жамбыл қаласында дүниеге келген.
Ш. Есенов атындағы Ақтау политехникалық университетін бітірген. Т. Рысқұлов атындағы Қазақ экономикалық университетінде, Қазақ гуманитарлық заң университетінде, ҚР Президенті жанындағы Мемлекеттік басқару Академиясында, Франциядағы Ұлттық басқару мектебінде білім алған.
Еңбек жолын 1996 жылы ҚазҰТУ-дың «Отын және көмірсутекті металдардың химиялық технологиясы» кафедрасының жетекші инженері қызметінен бастады.
2000-2008 жылдары энергетика және минералдық ресурстар министрлігінің құрылымында жұмыс істеді.
2008-2010 жж. - ҚР Индустрия және жаңа технологиялар министрлігінің Мемлекеттік және энергетикалық қадағалау комитеті лицензиялау, лицензиялық бақылау және заңдық қамтамасыз ету басқармасының бас сарапшысы болды.
2010-2014 жылдары - ҚР Мұнай және газ министрлігінің басқармаларында түрлі лауазымдарды атқарды.
2014-2020 жылдары - ҚР Энергетика министрлігінің құрылымында басшылық лауазымдарда жұмыс істеді.
2020 жылдың қаңтарынан бастап қазіргі уақытқа дейін ҚР Президенті Әкімшілігінің әлеуметтік-экономикалық мониторинг бөлімінің сектор меңгерушісі болды.
