Зарина Дияс финалға шықты

Қазақстандық теннисші Зарина Дияс АҚШ-тың Майами қаласында өтіп жатқан WTA іріктеу турнирінің финалына шықты. Бұл туралы Қазақстан теннис федерациясы хабарлады. Зарина жартылай финалда итальян теннисшісі Камила Джорджимен кездесіп, оны 7:4, 6:3, 6:1 есебімен ұтты. Бұл кездесу отандасымыз үшін оңай болған жоқ. Матч 2 сағат 20 минутқа созылды. Сонда да Зарина намысқа тырысып, қарсыласынан бірінші сеттің тай-брейгінде, одан кейін екінші және үшінші сетте басым түсті. Енді З.Дияс финалда ресейлік Варвара Флинкпен кездеседі. Майамиде өтіп жатқан турнирге Қазақстанның ерлер командасының өкілдері де қатысуда. Жартылай финалда Андрей Голубев румын Мариус Капиланы жеңді.  Ал Александр Недовесов өкінішке қарай, тайпейлік Джимми Вангтан айласын асыра алмады. Дастан Кенжалин. Дереккөз: www.ktf.kz Фото: www.ktf.kz